1 Pidru 5:10 - Hanunuu

¹⁰ Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Pidru 5:10 Iomraidhean Croise

Kanta 119:28

Bilang ga maglumuy aku sa karukuan, nakan ngani pabaskuga aku angay sa kanmu taratu.

Kanta 138:7

Una asan aku sa kakurian, pag-alagaan nimu kang buhi sa pangagalit niku manga kalaban. Pag-iribri nimu aku sa panab-anan nimu kapangyarihan.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Sakaryas 10:12

Pabisugun niku kang nasakupan dahil sida sa kangku di, ag sundun nida aku. Aku, ti Panginuun, ti magsabi inda.”

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 15:5

Pagsa kanyu ti Diyus, imaw ti nagpakaun sa kanyu matiniisun hanggan marig-un pag naisipan hampay kay awatan kamu sa kanyu pagkarausa angay sa kay mustara ni Kiristu,

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

Ruma 9:24

Kita yi paman tunda pag manga tawu kay pinili niya balaw lang ginan sa manga Hudiyu, ginan diman hanggan sa manga balaw Hudiyu.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 1:9

Ti Diyus masarigan, siya diman ti nagpili sa kanyu hampay magpakiusa kamu sa kay Anak, sa kanta Panginuun Hisu-Kiristu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Pilipus 4:13

Kaya niku mabuwat inda tanan dahil si Kiristu tigpabisug sa kangku.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

2 Tisalunika 2:14

Nakan kay binutung kamu Diyus pagka itinudlu nimi sa kanyu ti Mayad pag Barita hampay sa kanyu yi kay kadayawan nita Panginuun Hisu-Kiristu.

2 Tisalunika 2:17

Kanmi pag-idarangin kamu hampay pakan-an kamu marig-un pag naisipan agud kanyu pagbuwatun hanggan pagbagawun lunsay kaayadan.

2 Tisalunika 3:3

Masarigan ti Panginuun. Kay pakan-an gid kamu kay kabisugan, kay di alagaan kamu sa diyablu.

1 Timutiyu 6:12

Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

Hibriyu 9:15

Sa kay pagkamatay linukat ni Kiristu ti manga tawu ginan sa manga kasalanan kanda binwat sa kanda di waya sakup sa un-an pag taratu. Nakan si Kiristu ngani tigpamahala sa bag-u pag taratu hampay ti manga pinili Diyus makatanggap sa kay itinaratu pag papalad unman may katapusan.

1 Pidru 1:15

Ti Diyus banal, imaw ti nagpili sa kanyu nakan kailangan ilubus niyu ipasakup kanyu sadili sa kanya sa tanan niyu buruwatun.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

1 Huwan 2:25

Inda yi kay itinaratu sa kanta ni Kiristu, ti buhi unman may katapusan.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.