1 Pidru 4:8 - Hanunuu

⁸ Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

1 Pidru 4:8 Iomraidhean Croise

Kabagawan 10:12

Ti galit pagpun-an kaguluhan, dapat ti pagmahal makapatawad sa tanan kasalanan.

Kabagawan 12:16

Madali magkagalit ti tawu unman may intindi nu pagpuyaan siya, dapat ti madunung pag tawu unman magpansin nu pagpuyaan siya.

Kabagawan 17:9

Nu patawadun nimu kanmu kakilala nagsalan sa kanmu, pumarargu kanyu magkakilala, dapat nu aring-aringun nimu kay kasalanan, madaut kanyu pagka magkakilala.

Kabagawan 18:13

Unman may alam ag makakaray-a ti tawu magsagut unman dap magpatingi.

1 Kurintu 13:1

Una aku magbagaw tuhay-tuhay pag pamagaw manga tawu hanggan manga anghil, bag-u unman aku may pagmahal, parihu lang aku sa agung maingay, ga lingganay magpanngil sa tuli.

1 Kurintu 13:4

Ti pagmahal may pasunaid sa kay sadili, ag mahusay sa kaparihu. Ti pagmahal balaw maghirak. Ti pagmahal balaw magpadayaw, balaw magpalabi-labi sa kay sadili,

Kulusas 3:14

Lalu pagmalahalan kamu dahil imaw ti pinagkabugkus sa kanyu lubus pagkarausa.

1 Tisalunika 3:12

Kailangan padakaun ag paimbungun waya Panginuun kanyu pagmahal sa usa kag sa usa hanggan sa tanan manga tawu, parihu diman sa kanmi pagmahal sa kanyu.

2 Tisalunika 1:3

Kailangan kami pirmi magpasalamat gid sa Diyus tungkul sa kanyu, manga patar-ari. Nakan tama gid nu pirmi kami magpasalamat, dahil mag-amat magrig-un kanyu pagsarig sa kan Kiristu. Hanggan paman kanyu pagmahal sa usa kag sa usa mag-amat waydi magdaka.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

Hibriyu 13:1

Kamu magtar-arian sa kan Kiristu, danga apasan niyu kanyu magmalahalan sa usa kag sa usa.

Santiyagu 5:12

Dapat lalu waya manga patar-ari niku, danga kamu magpanumpa nu kamu magtaratu, danga paghinangbita ti langit hanggan ti daga, una lang hintay. Kang-ud yi waydi nu sabihun niyu, “Hu ngani”, nu hu. Sabihun niyu “Unman”, nu unman waydi, barang pihuun kamu Diyus kanyu daut kanyu mayad.

Santiyagu 5:20

inda tandai niyu una si unu lang ti magbawi sa tawu makasalanan ginan sa kay naugalian salan, kay irinibri niya ti usa ka tawu karadwa sa kamatayan. Dahil sa kay nagbawi nakan mayamu pag kasalanan ti napatawad yi.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

3 Huwan 1:2

Gayu, kang di gid pag-idarangin kawu duy, hampay kawu sa mayad gid pag kahamtangan, ag hampay mabisug diman kam bilug, ga kang naalaman kuntay mabisug kawu sa kanmu pakiusa sa Ispiritu.