1 Pidru 4:5 - Hanunuu

⁵ Dapat may kapanagutan sida sa Diyus. Handa yi sumintinsiya ti Diyus una sa manga buhi waya una sa manga namatay yi.

1 Pidru 4:5 Iomraidhean Croise

Kanta 1:6

Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Isikil 18:30

“Nakan magbagaw aku sa kanyu, nasakupan Israil, aku, ti Panginuun Diyus, sumintinsiya sa kada usa sa kanyu angay sa kay binwat. Taynguna, pagsisi yi kamu ag tayaki yi ti tanan niyu pag manga kasalanan hampay balaw kamu midamhak.

Matiyu 12:36

“Pagsabihun niku sa kanyu nu kaudasan sintinsiya aban may kapanagutan ti manga tawu sa kada bagaw kay binagaw unman may kabuluhan.

Lukas 16:2

Tinawag niya amu kay katiwala bag-u kay pinaingana, ‘Hintay inda duy kang nabaritaan tungkul sa kanmu? Tultula mayad-mayad kanta kayamanan naan yi duy, dahil udyi kawu mahimu mag-alaga.’

Binwat 10:42

Ibinilin niya sa kanmi pagbarita sa manga tawu kuntay si Hisus yi ngani ti pinili Diyus pag Manugpihu aban sa tanan tawu nu daut nu mayad, una sa manga buhi di waya ag sa manga namatay yi.

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 14:9

Ungud si Kiristu namatay bag-u nabuhi uman hampay siya yi ngani ti Panginuun una sa manga namatay una sa manga buhi di waya.

2 Timutiyu 4:1

Aku may pagsabihun gid sa kanmu sa atubangan Diyus ag ni Kiristu Hisus, imaw ti manbalik ag manhari, ag ti pumihu aban sa manga tawu buhi di waya hanggan sa manga namatay yi, nu daut nu mayad.

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.