1 Pidru 4:3 - Hanunuu

³ Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

1 Pidru 4:3 Iomraidhean Croise

2 Samwil 13:28

Magkun si Absalum sa kay manga tawuhan, “Alagda niyu malangu si Amnun, ag nu manpaaman aku, matya niyu siya. Danga kamu magkadala; aku ti magsugu sa kanyu. Danga kamu magkadala ag pagpakatatag kamu!”

1 Hari 21:26

Nagbuwat siya daut gid pag bagay sa panab-anan pagsamba sa manga diyus-diyusan, parihu sa binwat manga Amuriyu ipinalayas Panginuun sa panab-anan manga Israilita.)

2 Krunika 15:8

Pagka nadnugan ni Asa ti itinultul ni Asariyas kay anak ni Udid, nagmaisug siya. Bin-ul niya ti mayagting pag manga diyus-diyusan sa buu Huda hanggan Binhamin, ag sa manga banwa kay naagaw sa kabantudan Ipraim. Ipinahiwat niya ti handugan Panginuun asan sa atubangan sarakahan sa Balay Diyus Panginuun.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Isayas 5:11

Kaawaawa kamu ti manga surip waya magbangun hampay man-umpisa man-inuman ag manlanguhan tugka sa yabi.

Isayas 65:4

Magtukaw sida nu yabi sa manga kalubngan ag sa manga lihim pag rugar hampay manhampang sa karadwa manga namatay. Magkaun sida taguban babuy ag tuhay waya pag manga pag-ibawal kan-un pag karan-unun.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 16:18

Nakan pabayadun niku sida dubli sa kanda kadautan ag kasalanan, dahil inuringan nida kang daga sa panab-anan mayagting ag tigbak pag manga diyus-diyusan nida.”

Isikil 44:6

Sabihi ti kalaban pag nasakupan Israil aku, ti Panginuun Diyus, magkun: ‘Nasakupan Israil, apasi yi niyu ti tanan mayagting niyu pagbuwatun.

Isikil 45:9

Dahil aku, ti Panginuun Diyus, magkun: Kamu pag manga takinan Israil, subra yi kanyu pagbuwatun! Apasi yi niyu kanyu mag-unuunu ag pagpan-api, ag buwata niyu ti matadlung ag hustu. Danga yi niyu pagbul-a ti daga niku nasakupan.

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

Binwat 17:30

Dugay pag kapanahunan balaw pag-alintanahun Diyus kay unman magkilala tawu sa Diyus. Dapat taynguna ibinilin Diyus sa tanan tawu sa una naan pag rugar patlikudi yi iampu kanda daut ugali.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

1 Kurintu 12:2

Alam niyu, kanyu udwaya nakatanggap sa kan Hisus, sinarigan niyu ti manga buyun pag diyus-diyusan, imaw ngap ti nagpatalang pirmi sa kanyu.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

2 Kurintu 12:21

Magkadala aku nu asan tabug maan, barang pakay-ahun aku niku Diyus sa kanyu atubangan. Nu katunda kang gid ikalumi ti kayagtingan, ti panguragin hanggan kahalayan udwaya ipinatawad unman diman waya iinampu.

Galasya 5:19

Magkaalaman yi waydi nita ti manga buwat tawu nu angay sa daut kagustuhan niya pagkatawu, ti magpanlalaki, ti magpamabayi, ti mayagting pag naisipan, ti kahalayan,

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Ipisu 5:18

Danga kamu maglangu dahil makarangga tunda sa mayad pag ugali. Bagkus alwasiha niyu sa masuldan kamu Ispiritu Banal.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.