1 Pidru 4:2 - Hanunuu

² Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

1 Pidru 4:2 Iomraidhean Croise

Kanta 143:10

Tudlui aku sa pagsunud sa kanmu kagustuhan, dahil kawu kang Diyus. Mana kanmu mayad pag Ispiritu mag-antabay sa kangku sa kahamtangan balaw may kadamhakan.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Matiyu 12:50

Dahil una si unu pag tawu ti magtupad sa kagustuhan niku Ama sa langit, siya gid kang patar-ari lalaki, kang patar-ari babayi, kang ina.”

Matiyu 20:4

Sinabi niya sa kanda magkun, ‘Pag-atag kamu sa ubasan, pakan-an diman kamu niku sab sa katamtaman.’

Matiyu 21:31

Naan sa duwa ka anak ti nagtupad sa kagustuhan niya ama?” Sinabi manga manugpatingi magkun, “Ti un-an.” Sinabi ni Hisus sa kanda, “Ungud duy kang pagsabihun sa kanyu, ti manga manunukut buhis ag ti manga uragin umuna waya sa kanyu pumasakup sa kay paghari Diyus.

Matiyu 7:21

Magkun si Hisus, “Balaw tanan-tanan tig-ingaran sa kangku magkun, ‘Panginuun, Panginuun’, rumas-ug sa kaharian langit, nu unman tunda lang pag manga tawu ti magtupad sa kagustuhan niku Ama sa langit.

Markus 3:35

Una hintay pag tawu ti magtupad sa kagustuhan Diyus imaw kang patar-ari lalaki, kang patar-ari babayi, kang ina.”

Markus 7:21

Dahil ginan sa tagipusuun tawu pag magluwang ti manga daut pag naisipan, ti mag-uragin, ti magtakaw, ti maglibun sa kaparihu tawu,

Huwan 1:13

Sida manga anak yi Diyus dapat balaw parihu sa tawu pag kapanganakan may ama may ina, nu unman dahil sa kagustuhan Diyus.

Huwan 7:17

Una hintay pag tawu nu handa siya magtupad sa kagustuhan Diyus, makilala niya kang pag-itudlu nu ngatay ginan sa Diyus aw ngatay magbagaw aku ginan lang sa kang sadili.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 14:7

Una sitapu sa kanta balaw mahimu nu sa kay lang sadili pag magkabuhi, unman diman waydi sa kanta may tawu mamatay sa kay sadili lang.

Ruma 6:11

Katunda diman kailangan kilalan-un niyu kanyu sadili tigbak yi sa kasalanan, dapat buhi ngap para sa Diyus dahil sa kanyu pakiusa sa kan Kiristu Hisus.

Ruma 6:2

Unman duy. Kita tigbak yi gid sa kasalanan, nakan ngani udyi kailangan kita mag-ugali magkasala.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Ipisu 6:6

Una mag-akitan manga tawu, una unman mag-akitan, pagkatunda diman kanyu buwatun, balaw sa ikabaya tawu, nu unman dahil kamu manga panawuhun ni Kiristu buluntadan kamu pagtupad sa kagustuhan Diyus.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Huwan 2:17

Ti kalibutan hanggan ti manga magkakinabangan ginan sa kalibutan may kaduraan diman. Dapat ti magtupad sa kagustuhan Diyus may tutuu yi gid pag buhi unman may katapusan.