1 Pidru 4:18 - Hanunuu

¹⁸ Parihu sa pagsabihun sa Banal Kasuratan magkun, “Nu ti matadlung diit wadi udyi maribri, hintay nguna ti patabgan manga makasalanan manga unman magkilala sa Diyus?”

1 Pidru 4:18 Iomraidhean Croise

Gimpuunan 13:13

Ti manga tawu sa Suduma daut gid ag makasalanan. Subra gid kanda kadautan laban sa Panginuun.

Kabagawan 11:31

Nu ti manga matadlung sa kalibutan magtanggap kapalit sa kanda manga pagbuwatun, lalu yi gid balusan ti manga daut pag tawu hanggan ti manga makasalanan.

Hirimyas 25:29

Pag-umpisahan yi niku pagpadarahan kaparusahan ti Hirusalim, ti pinili niku pag banwa hampay sa kadayawan niku. Taynguna kanyu aw isip balaw niku kamu parusahan? Parusahan gid niku kamu! Dahil palabanun niku ti tanan nasyun sa buu kalibutan. Aku, ti Panginuun, ti magsabi inda.’

Isikil 18:24

“Dapat nu ti usa ka matadlung pag tawu manpakarayu sa kay matadlung pag buhi ag bumuwat daut, hanggan bumwat mayagting pag manga bagay pagbuwatun manga daut, parargu aw nguna siya mabuhi? Unman! Kalimtan yi kay matadlung pag manga binwat. Ag dahil sa kay nagdayu sa kangku ag sa manga kasalanan niya nabwat, mamatay siya.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Lukas 15:1

Nagpakarani sa kan Hisus ti manga manunukut buhis hanggan manga makasalanan pag tawu hampay mamatingi sa kay bagaw.

Lukas 23:31

Dahil nu inda kanda pagbuwatun sa puun kayu buhi unman aw mas lalu makuri ti mangyari sa manga nalayung?”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 27:24

Nagsabi ti anghil magkun, ‘Danga kawu magkadala, Pablu. Kailangan kawu umatubang sa Pangulu Hari. Mayad kay nabubut-un Diyus sa kanmu nakan iribri diman niya ti tanan manga kaibahan nimu sa bangka.’ ”

Binwat 27:31

Dapat sinabi ni Pablu sa kapitan hanggan sa manga sundalu magkun, “Nu lumayas ti manga may apu bangka, pihu duy kamu dayu maribri.”

Ruma 1:18

Niburayhaw ti pangagalit Diyus ginan sa langit laban sa tanan kadautan manga tawu. Kanda magbuwat kadautan imaw ti mag-ampara sa kanda agud makilala ti katutuuhanan.

Ruma 5:6

Dahil sa kay taning pag kaudasan, pagka unman kakayakaya waya kita, si Kiristu namatay hampay mabawi niya ti manga makasalanan.

Ruma 5:8

Dapat nagbuwat ti Diyus usa ka puruyba tungkul sa kay pagmahal sa kanta, pagka si Kiristu namatay para sa kanta, katpung kita makasalanan waya.

1 Kurintu 10:12

Nakan nu pag-isipun tawu marig-un kay tindug, pag-aman barang siya magpu.

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

Santiyagu 5:6

Kanyu sinintinsiyahan bag-u ipinamatay ti manga tawu una unman may kasalanan ag unman sida naglaban sa kanyu.

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

2 Pidru 3:7

Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.

Hudas 1:15

hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

1 Samwil 15:18

Ag ipinadara niya kawu sa usa ka buruwatun. Magkun siya, ‘Rurisa lubus ti manga Amalikita, ti daut pag nasakupan. Lumaban kawu sa kanda tugka sa matabu sida mamatay.’