1 Pidru 4:15 - Hanunuu

¹⁵ Danga maglibun sa tawu, danga magtakaw, danga may magbuwat kadautan, danga umapu nu bukun kanyu, hampay kamu balaw maparusahan dahil sa kanyu kasalanan.

1 Pidru 4:15 Iomraidhean Croise

Pag-ighit 22:2

“Nu nanakaw siya sa yabi ag nadakup sa aktu, bag-u minatay siya, unman may saragtun ti nakamatay sa kanya.

Matiyu 5:11

“Papaladan kamu Diyus nu pagmuransahun una hanggan pag-unuunuhun, una pagbagawan kamu una lang hintay pag daut pasay kapudilan dahil sa kanyu magpasakup sa kangku.

1 Tisalunika 4:11

Pagsikapi niyu ti ugali mabuut. Sarangwun niyu kanyu sadili buwatun. Pagbudlay kamu sa kanyu pangabuhi parihu sa kanmi sinabi yi sa kanyu.

2 Tisalunika 3:11

Pagsabihun nimi inda dahil nabaritaan nimi ti iba sa kanyu mag-ugali sa bugyahin, dayu magtrabahu, nu unman maralabut sa magkabuhi iba.

1 Timutiyu 5:13

Maanad sida sa bugyahin, magkahilig yi gid sa magpanungbalay. Ti usa waya ka alangan sa kanda pagka dugay sida mapinasilabutun ag ragayrayan waya paman.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

1 Pidru 3:17

Lalu waya mayad nu kamu may pag-agwantahun kakurian dahil sa kanyu magbuwat mayad, nu abi tida kay kagustuhan Diyus. Minus lang gid nu kamu mag-agwanta kakurian dahil sa kanyu magbuwat daut.