1 Pidru 4:14 - Hanunuu

¹⁴ Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.

1 Pidru 4:14 Iomraidhean Croise

1 Hari 10:8

Mapalad kanmu manga tawuhan! Mapalad kanmu manga manugpamahala magsirbi sa kanmu dahil pirmi nida mag-adnugan kanmu kadunungan.

2 Hari 2:15

Pagka nakitan gurupu manga purupita ginan sa Hiriku ti nangyari, magkun sida, “Kay kapangyarihan ni Ilyas ati yi sa kan Ilisyu.” Nakan sinulang nida si Ilisyu ag nagluhud sida bilang paggalang sa kanya.

Kanta 146:5

Mapalad ti tawu nu kay awat ginan sa Diyus ni Hakub, nu kay pagsarig asan sa Panginuun niya Diyus,

Kanta 49:9

hampay mabuhi ti tawu sa unman may katapusan ag balaw yi mamatay.

Kanta 89:51

Panginuun, sida kanmu pag manga kalaban, imaw ti magpuya sa kanmu pinili pag hari una naan siya tabug.

Isayas 11:2

Pumirmaminti sa kanya ti Ispiritu Panginuun ag makapakaun inda sa kanya kadunungan, pan-intindi, kakayahan sa paggayak, may kapangyarihan, kaalaman, ag may paggalang sa Panginuun.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Matiyu 5:11

“Papaladan kamu Diyus nu pagmuransahun una hanggan pag-unuunuhun, una pagbagawan kamu una lang hintay pag daut pasay kapudilan dahil sa kanyu magpasakup sa kangku.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Lukas 6:22

Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Huwan 15:21

Pagkadat-an nida kamu dahil kamu napasakup sa kangku ag unman nakilala nida ti Ama ti nagsugu sa kangku.

Huwan 8:48

Sinabi manga Hudiyu sa kan Hisus magkun, “Bukun ngap salan kanmi pagkumnun kawu Samaritanu, inapuan paman labang.”

Huwan 9:28

Pagka katida kay sinabi tawu buta kaybi, pinuya siya manga pinunu Hudiyu. Sinabi nida sa kanya magkun, “Kawu baga kay tuludluan yi ngap tunda pag tawu. Kami bay tuludluan di ni Muysis.

Huwan 9:34

Sinabi maan manga pinunu Hudiyu sa kanya magkun, “Lubus yi lang kawu makasalanan ginan waya sa kanmu pagkalusad, bag-u kawu aw lugud ti tumudlu waya sa kanmi?” Bag-u kanda ipinalwas siya ginan sa kanda simbahan.

Binwat 13:45

Dapat ay pagka nakitan manga Hudiyu ti kayamuan gid tawu, naghirak gid sida nakan pinahimudil lang nida kay manga pagsabihun ni Pablu, minura waya nida siya.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 28:22

Dapat gustu diman gid nimi pakidnugan nu kabitay kanmu manga sarabihun, dahil magkaalaman yi waydi nimi inda pag surundanun niyu paglabanan manga tawu una naan pag rugar.”

Binwat 5:41

Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

2 Kurintu 4:10

Unman madura sa kanmi bilug ti kamatayan ni Hisus agud sa panab-anan nimi bilug, makitan waydi kay buhi ni Hisus.

2 Kurintu 4:16

Nakan ngani kami balaw magpalumuyun sa kanmi naisipan. Una amat-amat maglumuy yi kanmi bilug, mag-amat di ngap magbisug kanmi tagipusuun.

Galasya 1:24

Nakan ngani nagdayaw sida sa Diyus dahil sa kay binwat sa kangku.

Hibriyu 11:26

Kay isip ni Muysis daka man pag kayamanan nu pag-unuunuhun siya dahil sa kay Pinili Diyus Manugribri pag Hari, balaw di ga manga kayamanan sa Ihiptu, dahil paghingabtun niya kay patabgan pag pirimyu.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 5:11

Pagkumnun nita mapalad ti manga matiniisun. Alam yi niyu si Hub matiniisun. Naalaman diman waydi niyu kay binwat Panginuun sa kanya pagka nakalawuy ti kakurian. Siti pag makilala nita kuntay ti Panginuun mapinasunaidun ag maawaun.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

1 Pidru 4:16

Dapat una si unu sa kanyu danga mangay-a nu siya parusahan dahil sa kay magpasakup sa kan Kiristu. Lalu ngap pagpasalamat siya sa Diyus, dahil siya magpakiusa sa kan Kiristu.

2 Pidru 2:2

Mayamu pag tawu sumunud aban sa kanda manga buwat makakaray-a, ag dahil sa kanda buwat daut puyaan yi ngap manga tawu ti mayad pag katutuuhanan ginan sa Diyus.