1 Pidru 4:12 - Hanunuu

¹² Mahal niku pag manga patar-ari, danga niyu kadulawan ti manga mabuyat pagsubuk kanyu magkalakawan. Kanyu aw lugud isip kamu lang ti pagsubukan?

1 Pidru 4:12 Iomraidhean Croise

Manugtudlu 5:8

Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Isayas 28:21

Kay tutuu, gumira ti Panginuun parihu sa binwat niya sa Bantud Pirasim ag sa Luung Gibyun. Buwatun niya ti balaw pagsarigan niya manga nasakupan.

Danyil 11:35

Unu-unuhun ti iba ka nakaintindi sa katutuuhanan hampay bumaliw lunsay ag malumpiyu kanda buhi tugka sa rumas-ug ti katugkaan itinagka pag panahun.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

1 Pidru 4:4

Maglingut ngani sida nu hayga nguna udyi kamu magpaminsan taynguna sa unman may kabuluhan pag manga ugali nida. Nakan pagkadat-an nida kamu.

1 Pidru 5:9

Danga gid kamu magpatalu sa kanya. Pagpakarig-un kamu sa kanyu pagsarig sa Diyus. Naalaman diman ngani niyu, balaw lang kamu ti may pag-agwantahun katida pag kakurian. Hanggan kanyu manga patar-ari sa buu kalibutan may pag-agwantahun diman waydi.