1 Pidru 4:11 - Hanunuu

¹¹ Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

1 Pidru 4:11 Iomraidhean Croise

Kanta 145:13

Kanmu maghari hanggan aban. Panginuun, matinupadun gid kawu sa kanmu manga taratu, ag mapagmahal kawu sa tanan nimu linalang.

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Hirimyas 23:22

Nu alam lang nida nu hintay ti sa isip niku, sinabi yi mana nida kang manga bagaw sa kang manga nasakupan, hampay patlikudan nida kanda daut pag ugali ag manga pagbuwatun.

Danyil 4:3

Lilingutan kay kamaskihan ag makadululaw ti ipinakakit Diyus! Maghari siya unman may katapusan.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Huwan 13:31

Pagka napalwas yi si Hudas, sinabi ni Hisus magkun, “Taynguna ipaburayhaw yi ti kadayawan Anak Tawu. Ag ginan sa kanya pag ipaburayhaw diman ti kadayawan Diyus.

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.

Ruma 11:36

Dahil Diyus ti gimpuunan tanan pag manga linalang. Tunda tanan ginan sa kanya, ag tabug diman sa kanya. Sa kanya di ti kadayawan hanggan aban. Amin.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

Ruma 16:27

Usa-usa ka Diyus. Siya lang ti madunung sa tanan. Siya ti dapat nita dayawun hanggan waya aban sa panab-anan ni Hisu-Kiristu. Amin.

Ruma 3:2

Daka gid duy. Un-an gid sa tanan, ti manga Hudiyu ti pinaintirgahan manga katutuuhanan bagaw Diyus.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

1 Kurintu 12:4

May tuhay-tuhay pag pakaun madi usa lang ka Ispiritu.

1 Kurintu 3:10

Aku ti nagpatindug batu paratungtungan tulduk ga usa ka madunung magpatindug balay angay sa ipinakaun Diyus sa kangku. Iba maan tig batak bat-angan. Dapat pagdahan ti kada tawu nu kabitay kay bumuwat.

1 Kurintu 6:20

dahil kamu binili yi sa halaga. Nakan gamitun niyu kanyu bilug sa ikadayaw sa Diyus.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

2 Kurintu 9:13

Nu unman kamu may kabuyatan sa kanyu magpakaun sa kanda hanggan sa tanan tawu imaw yi ti puruyba sa kanda kuntay matinupadun kamu sa Mayad pag Barita ni Kiristu. Nakan siyun ginan dumayaw sida sa Diyus.

Ipisu 1:19

hanggan kay unman may katapusan ag makamaskihan buwat niya sa kanta sa manga nagsarig sa kanya. Imaw diman pag kamaskihan

Ipisu 4:29

Danga kamu magbagaw daut, pag-isipa pirmi kanyu baragawun tunda ikamayad, insaktu sa kay udas, hampay makinabangan manga nakadnug.

Ipisu 5:20

Pirmi kamu pagpasalamat sa Diyus Ama tungkul sa tanan bagay sa kay ngaran nita Panginuun Hisu-Kiristu.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Pilipus 2:11

Ipabantug nida tanan magkun, “Si Hisu-Kiristu ti Panginuun,” hampay lalu dayawun ti Diyus Ama.

Kulusas 4:6

Pawilyun niyu ti manga tawu sa kanyu harampangan. Adalan niyu kaayad nu kabitay masagut niyu ti kada usa sa kanda nu may paingana.

1 Tisalunika 2:4

Dahil pinili kami Diyus bag-u kay yi iinintirga sa kanmi ti Mayad pag Barita. Nakan ngani kami magpanudlu una abi balaw pagbayaun tawu basta kami pumakaun kabayaan sa Diyus, imaw tig-usisa sa kanta manga tagipusuun.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Titu 2:1

Kawu bay kailangan pagpaliwanag sa manga tawu tunda kang-ud pag tudlu.

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

Hibriyu 13:7

Isipun niyu ti nangatungkulan sa kanyu kaybi, sida ti nagpaliwanag kay Bagaw Diyus sa kanyu. Isip-isipun niyu nu kabitay kanda nangugali sitay sa babaw daga hanggan kanda ikinamatay. Huwada niyu kanda pagsarig sa Diyus.

Hibriyu 5:12

Dahil mana kamu kainda madunung yi magtudlu, dapat kailangan ngap may magtudlu waya maan sa kanyu tungkul sa kabag-u ginan pag umpisa adal Bagaw Diyus. Gatas maan kanyu kailangan, bukun maaw maganit pag karan-unun.

Santiyagu 1:19

Manga mahal niku pag manga patar-ari, tandai niyu inda pag bagaw: kada tawu pagpaanad sa magpatingi, danga susun magsagut. Danga hanggan rargu magkagalit.

Santiyagu 1:26

Nu ti tawu maghantup sa kay sadili kuntay siya matadlung, bag-u unman waydi mapinigilun siya sa kay dila, pagdayaun lang ngap niya kay sadili, unman may pulus kay mayad pag buwat magsamba sa Diyus.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.

1 Pidru 4:16

Dapat una si unu sa kanyu danga mangay-a nu siya parusahan dahil sa kay magpasakup sa kan Kiristu. Lalu ngap pagpasalamat siya sa Diyus, dahil siya magpakiusa sa kan Kiristu.

1 Pidru 5:11

Sa kanya ti kamaskihan hanggan waya aban. Amin.

Hudas 1:25

Siya yi lang ti Diyus kanta Manugribri sa panab-anan nita Panginuun Hisu-Kiristu. Diyus ti may kapurihan, kadayawan, kamaskihan hanggan kapangyarihan kaybi di waya ginan sa kabag-u, una taynguna una hanggan waya aban. Amin.