1 Pidru 4:10 - Hanunuu

¹⁰ Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.

1 Pidru 4:10 Iomraidhean Croise

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 24:14

Itudlu dapu sa bilug kalibutan ti Mayad pag Barita tungkul sa kay paghari Diyus hampay lalu maalaman tanan nasyun. Bag-u di rumas-ug ti katapusan.”

Matiyu 24:21

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa pagkalalang kalibutan hanggan waya taynguna tugka, dayi malakawan maan hanggan waya aban.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Matiyu 25:17

Katunda diman hanggan ti nakatanggap duwa ka libu, nakatubu diman siya duwa waydi ka libu.

Matiyu 25:44

Sumabi diman sida, ‘Panginuun, kapira duy kanmi nakitan kawu linun-us, inuwaw, ngatay kawu taga iba daga, ngatay nawad-an rutay, ngatay may sakit kawu, ngatay sa pirisuhan ag unman kawu kanmi inasikasu?’

Markus 10:45

Katunda diman ti Anak Tawu nagsitay balaw hampay sirbihan nu unman hampay siya magsirbi ngap ag hampay ipakaun niya kay buhi sa kamatayan agud mayamu ti malukat.”

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Lukas 19:13

Dapat bag-u siya linmakaw, tinawag dapu niya kay sampulu ka panawuhun. Piniyaran niya sida pari-parihu pag halaga, sinabi niya sa kanda, ‘Inigusyu niyu inda pag kuwarta hanggan sa udwaya aku bumalik.’

Lukas 8:3

Hanggan si Huwana, kay asawa ni Kusa, kay katiwala ni Hirudis. Hanggan si Susana ag mayamu waya ti iba babayi siyun ti nag-asikasu sa kanda ni Hisus, kanda ginamit kanda sadili kasiyunan.

Ruma 15:25

Dapat kainda atag dapu aku sa Hirusalim hampay kang itibu ti awat manga patar-ari sa manga sakup sa Diyus ati.

Ruma 15:27

Buluntadan yi gid kanda pakaun tunda. Nu sa ungud talaga kailangan gid waydi nida buwatun tunda. Dahil ti manga balaw Hudiyu nahurayan waydi sa kay papalad Diyus angay sa Ispiritu sa manga Hudiyu, nakan kailangan ihuray waydi manga balaw Hudiyu sa manga Hudiyu ti ipinapalad Diyus kahamtangan sa kanda.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

1 Kurintu 3:10

Aku ti nagpatindug batu paratungtungan tulduk ga usa ka madunung magpatindug balay angay sa ipinakaun Diyus sa kangku. Iba maan tig batak bat-angan. Dapat pagdahan ti kada tawu nu kabitay kay bumuwat.

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

2 Kurintu 9:1

Udyi kailangan aku sumurat waya sa kanyu tungkul sa pag-awat sa manga patar-ari sa iglisya.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.