1 Pidru 3:8 - Hanunuu

⁸ Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Pidru 3:8 Iomraidhean Croise

Kanta 103:13

Nu kabitay ti ama maawaun sa kay manga anak, ti Panginuun maawaun diman sa manga maggalang sa kanya.

Kabagawan 28:8

Nu magyaman kawu sa panab-anan pagpatubu kuwarta, kanmu kayamanan miatag sa tawu maraawat sa pugri.

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Matiyu 18:33

Unman aw lugud kailangan maawa diman kawu sa kanmu kaparihu panawuhun ga kang diman naawa sa kanmu?’

Lukas 10:33

“Dapat may tawu taga Samarya nalakaw ati pag dalan. Nakitan niya ati ti tawu mabugtangan, ag naawa gid siya.

Binwat 2:1

Pagka udas yi Pintikustis, ti tanan magsarig nagkaminsan sa usa ka balay.

Binwat 27:3

Pagka sa usa ka sirang nakaaput yi kami sa banwa Sidun. Mayad kay nalub-anan isip ni Hulyu atag sa kan Pablu, nakan kay pinayagan niya si Pablu magsabang sa kay manga kakilala ati hampay awatan diman nida siya tungkul sa kay manga pangailangan.

Binwat 28:7

Sa kay karani ati pag rugar kan Publiyu pag manga daga, imaw ti pinunu siyun pag puru sa karaw-an dagat. Mayad gid kay tinanggap niya kami sa kay balay. Ati kami pag nangagum sa sulud tulu ka yabi.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

Ruma 15:5

Pagsa kanyu ti Diyus, imaw ti nagpakaun sa kanyu matiniisun hanggan marig-un pag naisipan hampay kay awatan kamu sa kanyu pagkarausa angay sa kay mustara ni Kiristu,

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 12:26

Nu ti usa ka gamit bilug may mag-asaydan, ti tanan gamit minsan sa kanya magdungug kakurian. Nu ti usa ka gamit bilug pagdayawun, ti tanan manga gamit parihu magbaya minsan sa kanya.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 4:31

Bul-a yi niyu ti magkutub daut, ti pusuk yi pag isug hanggan ti galit. Danga kamu magpamarahak, una magpuya, danga yi may hamnu galit.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Pilipus 3:16

Pagparargu yi lang kita parihu ga kanta diman ugali.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Hibriyu 13:1

Kamu magtar-arian sa kan Kiristu, danga apasan niyu kanyu magmalahalan sa usa kag sa usa.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

Santiyagu 5:11

Pagkumnun nita mapalad ti manga matiniisun. Alam yi niyu si Hub matiniisun. Naalaman diman waydi niyu kay binwat Panginuun sa kanya pagka nakalawuy ti kakurian. Siti pag makilala nita kuntay ti Panginuun mapinasunaidun ag maawaun.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 2:17

Galangun niyu ti tanan manga tawu, ag mahalun niyu ti manga patar-ari sa kan Kiristu. Pag-ugali kamu maggalang sa Diyus. Galangun diman niyu ti Pangulu Hari.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

2 Pidru 1:7

ti magpasakup sa Diyus dugangan niyu mapinasunaidun sa patar-ari, ti mapinasunaidun sa patar-ari dugangan maan niyu pagmahal.

1 Huwan 3:14

Alam yi waydi nita, kita kainda may bag-u yi pag buhi, nighit yi kita ginan sa kamatayan, dahil pagmahalun nita kanta manga patar-ari.