1 Pidru 3:4 - Hanunuu

⁴ Lalu ngap isipun niyu mahalaga ti rinu mataguan sa basad niyu tagipusuun. Tunda pag rinu unman magpud-as, ginan sa mahuway ag maalumanay pag naisipan, ungud lubus mahalaga sa kay magbantay Diyus.

1 Pidru 3:4 Iomraidhean Croise

Kanta 131:2

Sa ungud, kuntintu yi aku parihu sa hiwalay yi pag anak unman yi maghingbut manusu sa kay ina.

Kanta 147:6

Pag-awatan Panginuun ti manga pag-apihun, dapat pagrurisun niya ti manga daut pag tawu.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kanta 25:9

Paggiyahan nimu ti manga mapinakumbabaun hampay bumuwat mayad. Pagtudluan nimu sida sa kanmu kagustuhan.

Kanta 45:13

Pagkarinu kawu sa sulud nimu sulud-sulud. Kanmu rutay may burda gintu.

Kanta 51:6

Ti matinupadun pag tagipusuun imaw kanmu gustu; tudlui aku sa dumunung.

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Hirimyas 51:59

Inda ti sinabi ni Hirimyas sa kan Siraya usa sa pinakaabwat pag pinunu ni Hari Sidikyas. Si Siraya kay anak ni Niryas kay laki ni Masiya. Magkun si Hirimyas inda pag tultulanun katpung nag-ati si Siraya sa Babilunya kaibahan ni Hari Sidikyas. Ikap-at pag timpu ati katpung sa kay maghari ni Sidikyas sa Huda.

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Matiyu 21:5

“Sabiha niyu sa banwa Siun, ‘Atay tag yi kanmu Hari. Maawaun siya ag masakyan sa anak asnu.’”

Matiyu 23:26

Kamu buta pag manga Parisiyu, lumpiyuha dapu niyu ti sa sulud ungut hampay malumpiyu diman waydi hanggan kay habig.

Matiyu 5:5

Papaladan Diyus ti magpanagunsirung, dahil maapu nida ti kalibutan.

Lukas 11:40

Ga ud may namuangan baga kamu. Unman aw Diyus ti nagbuwat kay bilug hanggan sa sulud bilug?

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Ruma 1:23

Tinalikdan nida ti mamaski pag Diyus unman may kamatayan, kanda ngap pagsambahun ti manga ilinarawan pag manga tawu may kamatayan, manga manuk, manga hayup, manga iyay magyapang.

Ruma 2:29

Ti tawu nu binag-u yi sa kay tagipusuun hanggan naisipan angay sa Ispiritu balaw lang angay sa nisurat pag Kasuguan, tunda yi ti tutuu Hudiyu. Balaw tawu nu unman Diyus ngap ti dumayaw sa kanya.

Ruma 6:6

Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

Ruma 7:22

Sa basadan niku tagipusuun pagbayaun gid niku kay manga bilin Diyus.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Kurintu 4:16

Nakan ngani kami balaw magpalumuyun sa kanmi naisipan. Una amat-amat maglumuy yi kanmi bilug, mag-amat di ngap magbisug kanmi tagipusuun.

Galasya 5:23

maalumanay, mapinigilun sa kay sadili. Unman may pagsabihun ti Kasuguan laban sa kainda pag manga buwat.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

1 Tisalunika 4:11

Pagsikapi niyu ti ugali mabuut. Sarangwun niyu kanyu sadili buwatun. Pagbudlay kamu sa kanyu pangabuhi parihu sa kanmi sinabi yi sa kanyu.

2 Tisalunika 3:12

Dahil sa kanmi pakiusa sa Panginuun Hisu-Kiristu mahigpit gid kanmi pag-ibilin sa tunda pag manga tawu, kailangan gid sida pagtarabahu para sa kanda sadili pangabuhi ag unman maglabut sa magkabuhi iba.

1 Timutiyu 2:2

Kailangan idarangin niyu ti manga hari hanggan ti tanan tawu may kangaranan hampay kita may kaayusan ag may kahusayan sa kanta magpasakup sa Diyus ag may mayad pag ugali.

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.

Titu 3:2

Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Santiyagu 1:21

Nakan ngani pagpatlikud kamu ginan sa kayagtingan niyu buwat; pagbul-a niyu ti daut pag ugali; pagpakumbaba kamu lubus ag tanggapa niyu ti Bagaw Diyus ti itinanum sa kanyu tagipusuun. Inda pag Bagaw Diyus ti makaparibri sa kanyu.

1 Pidru 1:23

Dahil kamu ungud gid iinanak inuman balaw sa kapangyarihan lang tawu may kamatayan, nu unman sa kapangyarihan ngap Bagaw Diyus. Ag ti Bagaw Diyus buhi gid unman may katapusan.

1 Pidru 3:15

Galangun niyu sa kanyu tagipusuun si Kiristu, imaw ti Panginuun. Pagmay alistu kamu pirmi kanyu isagut nu may humagad paliwanag tungkul sa kanyu pagsarig.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”