1 Pidru 3:3 - Hanunuu

³ Kanyu rinu danga tugka lang sa mag-akitan mata parihu sa mayamu pamauli sa buhuk, una manga bisti gintu, manga mahalaga pag rutay.

1 Pidru 3:3 Iomraidhean Croise

Gimpuunan 24:22

Pagka nakainum ti manga kamilyu, binulwat suruguun kay dara aritus gintu para sa irung kay buyat manga unum ka guhit. Binulwat diman niya ti duwa ka ugsung gintu kay buyat manga 120 ka guhit. Ag ipinakaun niya inda sa kan Ribika.

Gimpuunan 24:47

Bag-u nagpaingana aku sa kanya nu kantapu siya pag anak. Nagsagut siya, ‘Kan Bitwil, kay anak lalaki nida ni Nahur ni Milka.’ Ag pinaulian niku aritus kay irung ag pinasulungan manga ugsung kay manga takyay.

Gimpuunan 24:53

Susun niya binulwat kay dara manga pamarinu buwat sa gintu ag pilak, hanggan ti manga rutay, bag-u ipinakaun sa kan Ribika. Pinakan-an diman niya mahalaga pag pamakaun kay patar-ari lalaki hanggan kay ina ni Ribika.

2 Hari 9:30

Nag-ati si Hihu sa Hisriil. Pagka naalaman tunda ni Hisibil, namarinu siya kay mata ag hinusay niya kay buhuk bag-u nangalantaw sa may gaha balay hari.

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Kanta 45:9

Ti iba sa kanmu paggalangun pag manga babayi anak manga hari. Sa kanmu sikun kamang matindugan kanmu rayna may sulung unu lunsay gid gintu ginan sa Upir.

Pag-ighit 3:22

Ti manga babayi Israil manhagad manga pamarinu pilak una gintu hanggan manga rutay sa kanda kamalay manga Ihipsiyu ag sa iba waya manga day-uhan ati sa Ihiptu. Ipasulung niyu inda tanan sa kanyu manga anak. Sa kainda pag paraan maagaw niyu ti kasiyunan manga Ihipsiyu.”

Pag-ighit 32:2

Sinmagut si Aarun, “Bul-a kanyu manga parungpung gintu isinulung niyu asawa ag anak, bag-u daran-a niyu sa kangku.”

Pag-ighit 33:4

“Maganit kanyu ulu. Nu ibahan niku kamu una lang diit pag udas, barang matyun waya niku kamu. Taynguna, lukasa kanyu manga bisti tugka sa makapasya aku nu hintay kang buwatun sa kanyu.” Pagka nadnugan manga tawu inda pag marasakit bagaw, masyadu sida naruku ag kanda sinunud ti sugu Panginuun;

Pag-ighit 35:22

Ti tanan may gustu maghandug, lalaki una babayi nandara mahalaga pag manga kulintas: manga parungpung, manga pangunu, manga ugsung ag tuhay-tuhay pag kalasi kulintas gintu. Dinara nida kanda manga gintu bilang handug pag-ipaabwat sa Panginuun.

Pag-ighit 38:8

Bag-u namuwat siya galang palanggana hanggan kay turungbawan inda human diman sa galang. Ti manga galang ginamit siyun ginan sa galang salamin manga babayi magsirbi sa sabian Turda Tiripnan.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Isikil 23:40

Nagpasulang waya ngani sida sa manga lalaki ginan sa arayu pag manga rugar. Pagka rinmas-ug ti manga lalaki, narigus sida ag nanparinu, bag-u nansulung manga pamarinu.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

1 Pidru 3:2

Pakitan niyu sa kanda kanyu ugali magalang ag mabuut.