1 Pidru 3:20 - Hanunuu

²⁰ Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

1 Pidru 3:20 Iomraidhean Croise

Gimpuunan 6:13

Nakan magkun siya sa kan Nuwi, “Rurisun niku ti tanan tawu. Dahil sa kanda, nangalat ti kadautan sa kalibutan. Rurisun niku sida kaibahan kalibutan.

Gimpuunan 6:3

Taynguna, magkun ti Panginuun, “Balaw niku pahintulutan mabuhi dugay masyadu ti tawu dahil sida tawu lang. Nakan kainda ginan, ti tawu mabuhi ud lumampas sa 120 ka timpu.”

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 6:8

Dapat may usa ka tawu nakapasulung sa Panginuun. Si Nuwi kay ngaran.

Gimpuunan 7:13

Tunda katpung pag sirang sa umpisa uran, sinmaka sa barku si Nuwi, kay asawa hanggan kay tulu ka anak nida sida ni Sim, ni Kam ag ni Hapit kaibahan kanda manga asawa.

Gimpuunan 8:1

Balaw kinalimtan Diyus si Nuwi hanggan kay manga kaibahan hayup sa sulud barku. Nakan ipinahuyup niya ti durus sa kalibutan ag amat-amat maghubas ti danum.

Gimpuunan 8:18

Nakan linmuwas ngani si Nuwi kaibahan kay asawa, kay manga anak lalaki hanggan kay manga umagad.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Matiyu 7:14

Dapat diit lang ti sabian ag makuri pag dalan tabug sa buhi, balaw mayamu pag tawu ti maglakaw siti pag dalan.”

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Binwat 2:41

Nakan ti manga tawu nagpaniwala sa kay paliwanag ni Pidru napatulbaw yi. Ati katpung pag sirang tulu ka libu tawu ti dinmagdag sa kanda.

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.

Ipisu 5:26

hampay kay lumpiyuhun sa danum ag sa Bagaw bag-u ipasakup niya sa Diyus.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 1:9

Pag-anihun yi niyu ti burak niyu pagsarig, imaw yi ti karibrihan niyu karadwa.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

1 Pidru 3:19

Pagka katida nag-ati siya nagpahayag sa manga karadwa napirisu.

1 Pidru 4:19

Nakan ngani ti manga mag-agwanta sa kakurian angay sa kagustuhan Diyus, pagbuwat sida mayad, bag-u intirgahan nida kanda buhi sa Manuglalang, dahil siya ti masarigan.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.

2 Pidru 3:15

Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.