1 Pidru 3:2 - Hanunuu

² Pakitan niyu sa kanda kanyu ugali magalang ag mabuut.

1 Pidru 3:2 Iomraidhean Croise

Ipisu 5:33

Dapat inda may ibug sabihun diman tabug sa kanyu sa kada usa. Ti kada lalaki kailangan mahalun niya kay sadili asawa, pagga kanya diman sadili. Ti kada babayi kailangan paggalang sa kay sadili asawa lalaki.

Ipisu 6:5

Kamu pag manga panawuhun, pagsunud kamu sa kanyu manga amu sitay sa babaw daga, pag may dala hanggan galang sa kanyu magtupad sa kanda bilang ga si Kiristu diman kanyu pagsirbihan.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Pilipus 3:20

Kita bay manga taga langit. Magpatigagad kita sa kanta Manugribri, sa Panginuun Hisu-Kiristu ginan sa langit.

Kulusas 3:22

Kamu pag manga panawuhun, pagpirmi pagsunud sa kanyu amu sitay sa babaw daga. Una may maghiling, una unman, pagtarabahu kamu balaw kuntay sa bayaun manga tawu, bagkus ngap pagtarabahu kamu dahil matinupadun kamu sa kanyu maggalang sa Panginuun.

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

1 Pidru 1:15

Ti Diyus banal, imaw ti nagpili sa kanyu nakan kailangan ilubus niyu ipasakup kanyu sadili sa kanya sa tanan niyu buruwatun.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 3:1

Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.

1 Pidru 3:3

Kanyu rinu danga tugka lang sa mag-akitan mata parihu sa mayamu pamauli sa buhuk, una manga bisti gintu, manga mahalaga pag rutay.

2 Pidru 3:11

Katunda ngani aban ti pangatapusan tanan bagay, nakan ilubus niyu ipasakup kanyu sadili sa Diyus, kanyu ugali buhi pag-angay yi sa kay kagustuhan,