1 Pidru 3:14 - Hanunuu

¹⁴ Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

1 Pidru 3:14 Iomraidhean Croise

Kabagawan 3:25

Nakan balaw dapat kawu madala nu kadaka rumas-ug ti maradala pag manga mangyari, ngatay nu rurisun yi ti manga magbuwat daut,

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Hirimyas 1:8

Danga kawu magkadala sa manga tawu dahil kaibahan nimu aku ag awatan niku kawu. Aku, ti Panginuun, ti magsabi inda.”

Hirimyas 15:15

Magkun si Hirimyas, “Panginuun alam duy nimu ti tanan! Alalahana ag awati duy nimu aku. Balusi duy nimu ti manga mag-unuunu sa kangku. Alam niku balaw kawu madali magkagalit, nakan danga duy nimu aku pagpabay-ani mamatay. Alalahana duy nimu ti manga kakurian niku dahil sa kanmu.

Isikil 3:9

parihu kaganit sa tanang batu. Nakan danga gid kawu magkadala sa kanda una manga maglaban sida pag nasakupan.”

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Matiyu 10:31

Nakan ngani danga kamu magkadala. Mahalaga man kamu sa mayamu pag maya.”

Matiyu 10:39

Ti mag-ingat sa kay sadili buhi, maduraan ngap buhi unman may katapusan. Ti nabul-an buhi sa kay magsunud sa kangku, imaw ngap ti kumakit buhi.”

Matiyu 16:25

Nu ti tawu magkaibug magpakalawig kay kinabuhi, maduraan ngap siya buhi. Dapat ay una hintay ti nabul-an kay kinabuhi dahil sa kangku, siya yi ngapu makamana buhi.

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Markus 10:29

Sinabi ni Hisus sa kanda, “Ungud duy kang pagsabihun sa kanyu, una si unu nu magtiis magtayak sa kay ulian, sa kay manga patar-ari lalaki, sa patar-ari babayi, sa ina, sa ama, sa kay manga anak una sa kay manga daga dahil sa kangku ag dahil sa Mayad pag Barita,

Markus 8:35

Dahil ti tawu nu magkaibug magpakalawig kay kinabuhi, maduraan ngap siya buhi. Dapat ay una hintay pag tawu ti nabul-an kay kinabuhi dahil sa Mayad pag Barita, ribri yi siya.

Huwan 14:1

Bag-u sinabi ni Hisus sa kay manga tuludluan magkun, “Danga magkaaburidu kamu sa kanyu tagipusuun. Magtiwala kamu sa Diyus, magtiwala diman waydi sa kangku.

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

2 Kurintu 12:10

Nakan ngani magbaya diman aku una aku malumuy, una api-apihun, una pakurianan, una unu-unuhun, una lang hintay pag aragwantahun dahil ngani sa kan Kiristu. Dahil nu aku malumuy, ati katpung ngap aku may kabisugan.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 5:11

Pagkumnun nita mapalad ti manga matiniisun. Alam yi niyu si Hub matiniisun. Naalaman diman waydi niyu kay binwat Panginuun sa kanya pagka nakalawuy ti kakurian. Siti pag makilala nita kuntay ti Panginuun mapinasunaidun ag maawaun.

1 Pidru 3:6

Tida imaw yi gid kan Sara itinayak pag mustara. Nagsunud kabay siya sa kay asawa sa kan Abraham, kay iningarnan niya kay takinan. Kamu diman ga kan Sara manga linahi nu mahal lang kanyu manga buwat ag nu unman kamu may pagkadalaan una di.