1 Pidru 3:12 - Hanunuu

¹² Dahil pagbantayan Panginuun ti manga matadlung, kay pagbayaun. Magdungug siya sa kanda manga darangin. Dapat kay magbantay Panginuun may galit sa manga magbuwat daut.”

1 Pidru 3:12 Iomraidhean Croise

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

2 Krunika 7:15

Pahalagaan niku sida ag patingihan kanda manga darangin sa inda pag rugar,

Kanta 11:4

Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

Kanta 33:18

Dapat ti Panginuun magbantay sa manga maggalang ag magsarig sa kay pagmahal.

Kanta 65:2

Ti tanan tawu pumakarani sa kanmu dahil pagsagtun nimu ti manga darangin.

Kanta 80:16

Diyus, kami ga ubas pinlud ag inirub. Tinurun nimu kami may pangagalit ag rinuris.

Kabagawan 15:29

Arayu ti Panginuun sa manga daut pag tawu, dapat arani siya sa manga matadlung dahil pagpakidnugan niya kanda darangin.

Kabagawan 15:3

Mag-akitan Panginuun ti tanan, una naan pag rugar. Pagbantayan niya ti manga pagbuwatun manga daut hanggan manga matadlung.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Hirimyas 21:10

Nakadisisyun yi aku padarahan kadamhakan inda pag banwa balaw kaayadan. Ipasakup niku inda sa hari Babilunya, ag kay irubun niya inda. Aku, ti Panginuun, ti magsabi inda.’

Hirimyas 39:12

“Bul-un nimu si Hirimyas ag alagaan nimu siya kaayad. Buwata nimu ti una hintay ti paghagadun niya.”

Isikil 15:7

Hu, parusahan gid niku sida, ag una makapalagiw sida sa usa ka apuy, sunugun di maan sida tuhay pag apuy. Bag-u maalaman nida aku ti Panginuun.

Libitiku 17:10

Una si unu sa kanyu pag manga Israilita hanggan pag manga day-uhan, ti kumaun dugu pihu bumaliw kalaban Panginuun ag danga yi pagkilalan-a nasakupan niyu.

Libitiku 20:3

Pagkagalitan niku tunda pag tawu, danga yi siya pagkilalan-a nasakupan niyu. Dahil sa pagsagda niya kay anak sa kan Muluk, inuringan niya ti rugar sarambahan para sa kangku ag balaw iginalang kang banal pag ngaran. Nu pabay-anan lang niyu tunda pag tawu, ag balaw minatay,

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Huwan 9:31

Alam nita ti Diyus unman magpatingi sa tawu nu siya makasalanan. Dapat nu ti tawu magsamba sa Diyus ag magtupad sa kay kagustuhan, pihu gid patingihan Diyus.

Diyuturunumiyu 11:12

Inda pag daga pag alagaan Panginuun niyu Diyus; pagbantayan niya inda sirang-sirang sa buu timpu!

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.