1 Pidru 3:1 - Hanunuu

¹ Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.

1 Pidru 3:1 Iomraidhean Croise

Gimpuunan 3:16

Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Kabagawan 11:30

Ti manga pagbuwatun tawu matadlung makaawat sa iba agud mayad ag lumawig kanda buhi. Ag madara niya ti manga tawu sa kay kadunungan.

Kabagawan 18:19

Makurian kawu manhagad patawad sa kanmu patar-ari nadaut kay buut sa kanmu. Ga makuri waya inda buwatun kaysa mansalakay sa nasangputan alad batu pag banwa. Nu kabitay kakuri dautun ti kandadu talakup sabian balay hari, katunda diman kakuri amparahun ti aratwan duwa ka tawu.

Matiyu 18:15

Sinabi ni Hisus magkun, “Nu kanmu patar-ari magbuwat kasalanan sa kanmu, pag-ati kawu sa kanya, hampangun nimu ag bilinan siya tungkul sa kay nabuwat kasalanan. Nu mamatingi siya sa kanmu, nabawi nimu kanmu patar-ari.

Ruma 10:16

Dapat unman tanan nagsunud sa Mayad pag Barita. Kainda kay sabi ni Isayas magkun, “Panginuun, si unu ti naniwala sa kanmi sinabi?”

Ruma 6:17

Dapat ay salamat sa Diyus, dahil kaybi kamu manga panawuhun kasalanan, taynguna bay masurundun yi kanyu tagipusuun sa iinadal pag katutuuhanan kanyu yi tinanggap.

Ruma 7:2

Halimbawa angay sa batas ti babayi sakup sa kay asawa hanggan sa udwaya mamatay ti lalaki. Dapat ay tunda pag lalaki nu namatay yi, udyi sakup ti babayi sa pagsabihun batas tungkul sa manga may asawa.

1 Kurintu 11:3

Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 14:34

Ti manga babayi kailangan danga mag-ingay sa katpung tiripun iglisya. Dahil unman pagpasnuan sida magbagaw sa katpung pagtiripun. Kailangan ti manga babayi pagmapinakumbabaun angay sa isinurat sa Kasuguan Diyus.

1 Kurintu 7:16

Balaw maalaman nimu, nu ngatay miribri ngapu nimu kanmu asawa lalaki. Balaw maalaman nimu, nu ngatay miribri nimu kanmu asawa babayi.

Ipisu 5:33

Dapat inda may ibug sabihun diman tabug sa kanyu sa kada usa. Ti kada lalaki kailangan mahalun niya kay sadili asawa, pagga kanya diman sadili. Ti kada babayi kailangan paggalang sa kay sadili asawa lalaki.

Kulusas 3:18

Kamu pag manga babayi, pagpasakup kamu sa kanyu sadili asawa, dahil katida gid ti angay sa kanyu pagsarig sa Panginuun.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Hibriyu 11:8

Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 3:2

Pakitan niyu sa kanda kanyu ugali magalang ag mabuut.

1 Pidru 3:7

Kamu waydi manga lalaki, pagpasunaid kamu sa kanyu sadili asawa dahil udyi ga lalaki kanda kaya. Parihu diman sa kanyu may karampatan sida sa buhi unman may katapusan kay ipinakaun Diyus sa kanyu. Nu katida kanyu ugali udyi may sumigaud sa kanyu darangin.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?