1 Pidru 2:9 - Hanunuu

⁹ Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 2:9 Iomraidhean Croise

Kanta 106:5

hampay matanggap diman niku ti kaabundahan nimu pinili pag nasyun ag hampay makasamit diman aku kanda kabayaan, ag makapaminsan aku sa kanda pagdayaw sa kanmu.

Kanta 118:27

Ti Panginuun, Diyus; ag mayad gid siya sa kanta. Magdara kita manga sanga kayu sa pagdaus pista, ag manangput kita sa harandugan.

Kanta 135:4

Dayawa niyu siya dahil pinili niya ti nasakupan Israil ti manga linahi ni Hakub, ti bumaliw kay bukudtangi pag nasakupan.

Kanta 22:30

kanda manga linahi manirbi sa kanmu. Panginuun, itudlu nida sa sunud pag manga sinulput tawu ti tungkul sa kanmu.

Kanta 33:12

Mapalad ti nasyun kay Diyus imaw ti Panginuun. Mapalad ti pinili Panginuun bumaliw kanya pag nasakupan.

Kanta 73:15

Nu pinuyaan niku kawu parihu sa binagaw manga daut pag tawu, mahimu dinaya niku kanmu nasakupan.

Isayas 26:2

Bukasan ti manga puwirtahan banwa hampay makaslud ti nasyun matadlung, matinupadun sa Panginuun.

Isayas 41:8

“Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 44:1

“Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 61:6

Ingarnan kamu manga manughandug Panginuun, manga manugsirbi sa kanta Diyus. Manginabang kamu sa kayaman manga nasyun ag makabaya kamu. Tunda tanan mapasa-kanyu.

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Isayas 66:21

Ag ti iba sa kanda buwatun niku manughandug ag manga Libita. Aku ti Panginuun ti magsabi inda.”

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Malakyas 3:17

Magkun ti Panginuun Makamaskihan tungkul sa manga tawu maggalang sa kanya, “Baliwun niku sida pinakatuhay pag nasakupan sa sirang niku pag parusa. Balaw niku sida parusahan parihu sa pagbuwatun usa ka ama unman magparusa sa kay anak magsunud sa kanya.

Matiyu 4:16

Ti manga tawu nitukmud sa basad kaduluman may makitan aban daka pag rayaw. Ti manga tawu sa sirung kapangyarihan kamatayan pakan-an ngap karayawan.”

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Lukas 1:79

Marayawan ti manga tawu nangulian sa kadudulman ag hinarian kamatayan. Ilakaw kanta raprapa sa dalan kahusayan sa Diyus hanggan sa kanta kaparihu.”

Huwan 17:19

Pag-ilubus niku pag-ipakaun kang sadili sa kanmu hampay sida kanmu diman sa panab-anan katutuuhanan.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 26:28

Sinabi ni Agripa sa kan Pablu magkun, “Sab lagat-lagat aku banta kanmu yi gid buwatun Kiristiyanu.”

Ruma 9:24

Kita yi paman tunda pag manga tawu kay pinili niya balaw lang ginan sa manga Hudiyu, ginan diman hanggan sa manga balaw Hudiyu.

1 Kurintu 3:17

Nu dautun tawu ti Balay Diyus, dautun waydi siya Diyus dahil ti Balay Diyus ibinukud para sa kanya. Kamu yi ngani ti Balay Diyus.

Ipisu 1:14

Ti Ispiritu ti ipinakaun sa kanta imaw kay puruyba tupadun Diyus kay manga taratu sa kanta, sa manga pinili niya, hampay dayu umalinlangan kita hanggan sa udwaya kita lubus miribri Diyus. Dayawun nita kay kadayawan!

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Ipisu 3:21

Sa Diyus ti kadayawan sa iglisya dahil sa kanta pakiusa sa kan Kiristu Hisus, sa kada sinulput tawu hanggan waya aban unman may katapusan. Amin.

Diyuturunumiyu 10:15

Dapat pinili Panginuun kanyu manga ginurang hampay kay mahalun, ag kamu kanda manga lahi ti pinili niya mas higit sa tanan pag nasyun, tugka kainda kamu di maan kay pinili pag manga nasakupan.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 18:2

Unman sida may manahun daga parihu sa kanda kaparihu manga Israilita; ti Panginuun imaw ti kanda mana angay sa kay itinaratu sa kanda.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

Pilipus 3:14

Nakan magparargu aku sa katugkaan hampay tanggapun niku ti pirimyu, nu magtawag yi aban ti Diyus sa kangku ag butungun aku ni Kiristu Hisus tabug sa langit.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

Ipinakakit 1:6

Binwat niya kita usa ka nasyun manga hari ag manga manughandug hampay kita magsirbi sa Diyus, sa kay Ama ni Hisus. Pagsa kan Hisu-Kiristu ti kadayawan hanggan kamaskihan hanggan waya aban. Amin.

Ipinakakit 20:6

Masulung ag lubus sakup sa Diyus ti nidungan sa un-an pagkabuhi uman ginan sa kamatayan. Udyi may laban sa kanda ti ikadwa pag kamatayan. Sida aban ti manga manughandug yi sa atubangan Diyus hanggan sa atubangan ni Kiristu, humari sida kaibahan niya sa sulud usa ka libu ka timpu.

Ipinakakit 5:10

Binwat nimu sida usa ka linahi hari, ag manga manughandug magsirbi sa balay nita Diyus. Sida humari sa babaw daga.”

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.