1 Pidru 2:6 - Hanunuu

⁶ Dahil magkun sa Banal Kasuratan, “Bantayi niyu, ipinakana niku sa banwa Siun ti usa ka batu pag kalap binuwat niku patakinan, imaw yi ti mahalaga. Balaw mibuyu una hintay pag tawu nu sumarig sa kanya.”

1 Pidru 2:6 Iomraidhean Croise

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

Kanta 40:14

Mana ti tanan maghingbut manmatay sa kangku mangay-a ag mantalang-talang. Mana ti tanan mag-isip sa kang kadamhakan mamalalagiwan sa kay-a.

Kanta 89:19

Kabag-u nanpakihampang kawu sa kanmu matinupadun pag manga manugsirbi sa panab-anan pangakakitun. Magkun kawu, “Inawatan niku ti usa ka sundalu. Pinili niku siya ginan sa kang nasakupan hampay buwatun hari.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 41:11

Ti tanan magkagalit sa kanmu pihu mangay-a ag mibuyu. Ti manga maglaban sa kanmu pihu gid midamhak.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 50:7

Dapat balaw aku nakaramdam kay-a, dahil inawatan aku Panginuun Diyus. Nakan napaganit aku ga tanang batu, dahil alam niku balaw aku mangay-a.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Danyil 10:21

Nagsitay aku hampay itultul sa kanmu ti nakasurat sa Ribru Katutuuhanan. Sa kang maglaban, unman may iba nangawat sa kangku nu unman si Mikail lang gid, ti takinan Israil.

Sakaryas 10:4

Ginan sa kanda ti manga takinan parihu sa patakinan pag batu, pamatuk turda, ag pamana paggamitun sa girahan.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Lukas 20:17

Dapat binmantay si Hisus sa kanda ag namaingana, “Hintay nguna kay sabi sa Kasuratan magkun, ‘Ti batu dinayu manga manugbuwat balay, binwat ngap mahalaga pag kalap.’

Lukas 23:35

Matindugan magbantay ti manga tawu taga banwa. Paghangal-hangalun siya manga pinunu magkun, “Irinibri niya ti manga iba, ribrihan waydi niya kay sadili bilug, nu ungud siya ti Pinili Diyus Manugribri pag Hari.”

Huwan 7:38

Parihu sa isinurat sa Banal Kasuratan, nu ti tawu magsarig sa kangku, bumulus ginan sa kay tagipusuun ti danum makapakaun tutuu pag buhi sa manga tawu.”

Binwat 1:16

“Manga patar-ari, kailangan tupadun ti nisurat sa Banal Kasuratan kay iinudyuk Ispiritu Banal sa kan Dabid tungkul sa kan Hudas, imaw ti nag-iba sa manga manugdakup sa kan Hisus.

Ruma 10:11

Pagsabihun sa Banal Kasuratan, “Balaw mibuyu una si unu pag tawu nu sumarig sa kanya.”

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

2 Timutiyu 3:16

Ti tanan Banal Kasuratan ginan sa udyuk Diyus pag nisurat nakan magamit diman sa pagtudlu katutuuhanan, sa pagpakilala sa salan pag manga tudlu, sa pagpatadlung sa manga maliku pag buwat hanggan sa pagbutung tabug sa mayad pag ugali,

1 Pidru 2:4

Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.

1 Pidru 2:8

Ag “Ibinugtang ti usa ka batu karadayaanun, laun pagka batu kanda matalakpahan.” Ga nadayaan yi ngani sida, dahil unman sida naniwala sa Bagaw Diyus. Tunda yi ngani ti inalistu para sa kanda.

2 Pidru 1:20

Lalu waya kailangan alalahanun niyu kuntay ti ipinurupita pag Bagaw Diyus sa Banal Kasuratan dayu mahimu maipaliwanag tawu nu ginan lang sa kay sadili naisipan.

2 Pidru 3:16

Sa tanan niya pag manga surat kainda diman kay pirmi pag-ipaalaala tungkul sa inda pag katutuuhanan. Kay iba niya pag manga isinurat makuri masalman kay ibug sabihun, nakan ti manga malumuy kay intindi magsalan sa kanda magpakahulugan. Katunda diman waydi kanda pagbuwatun sa iba pag manga bahagi Banal Kasuratan sa ikadamhak ngap nida sadili bilug.