1 Pidru 2:5 - Hanunuu

⁵ Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 2:5 Iomraidhean Croise

1 Hari 7:11

Sa kay tungud inda manga kayu sidru ag mahalaga pag manga batu inandasan yi angay sa kay sukat.

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Kanta 50:14

Ti kailangan niku pag handug kanyu pasalamat, ag ti pagtupad sa manga taratu niyu sa kangku, ti Kaabwat-abwatan pag Diyus.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Kabagawan 9:1

Ti kadunungan parihu sa usa ka tawu nagpatindug daka ag marinu pag balay.

Isayas 61:6

Ingarnan kamu manga manughandug Panginuun, manga manugsirbi sa kanta Diyus. Manginabang kamu sa kayaman manga nasyun ag makabaya kamu. Tunda tanan mapasa-kanyu.

Isayas 66:21

Ag ti iba sa kanda buwatun niku manughandug ag manga Libita. Aku ti Panginuun ti magsabi inda.”

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

1 Kurintu 3:16

Unman aw niyu alam kamu kay Balay Diyus? Ti Ispiritu Diyus ti nangulian sa kanyu.

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

Diyuturunumiyu 18:2

Unman sida may manahun daga parihu sa kanda kaparihu manga Israilita; ti Panginuun imaw ti kanda mana angay sa kay itinaratu sa kanda.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

Kulusas 3:17

Una hintay kanyu buwatun, una sa bagaw una sa buruwatun, buwata niyu ti tanan angay sa kanyu pakiusa sa Panginuun Hisus. Sa panab-anan diman niya pagpasalamat kamu sa Diyus Ama.

1 Timutiyu 3:15

hampay una aku unman makaras-ug madali, maalaman diman nimu ti mayad pag ugali kailangan buwatun sa magtal-anakan Diyus, sa iglisya Diyus buhi, imaw yi ngani ti pinagkatulduk hanggan binungsudan katutuuhanan.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?

Ipinakakit 1:6

Binwat niya kita usa ka nasyun manga hari ag manga manughandug hampay kita magsirbi sa Diyus, sa kay Ama ni Hisus. Pagsa kan Hisu-Kiristu ti kadayawan hanggan kamaskihan hanggan waya aban. Amin.

Ipinakakit 20:6

Masulung ag lubus sakup sa Diyus ti nidungan sa un-an pagkabuhi uman ginan sa kamatayan. Udyi may laban sa kanda ti ikadwa pag kamatayan. Sida aban ti manga manughandug yi sa atubangan Diyus hanggan sa atubangan ni Kiristu, humari sida kaibahan niya sa sulud usa ka libu ka timpu.

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

Ipinakakit 5:10

Binwat nimu sida usa ka linahi hari, ag manga manughandug magsirbi sa balay nita Diyus. Sida humari sa babaw daga.”