1 Pidru 2:4 - Hanunuu

⁴ Pagpakarani kamu sa kan Kiristu. Siya yi ngani ti ga batu may buhi, dinayu manga tawu, dapat pinili ngap Diyus, kay yi pagpahalagahan.

1 Pidru 2:4 Iomraidhean Croise

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Danyil 2:34

Habang mabantayan kawu sa tinawu-tawu, may usa ka batu nagipak, balaw tawu ti naggipak. Nidugsak inda pag batu sa baul ag lutuk pag lulud diyus-diyusan, bag-u narunut kay manga lulud.

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Sakaryas 3:9

Huswi, bantayi nimu ti batu ipinauli niku sa kanmu atubangan, may pitu inda ka mata. Paukitan niku inda, ag pamul-un niku ti kasalanan daga Israil sa sulud lang usa ka sirang.

Sakaryas 4:7

Ag una waya parihu kay kadaka sa bantud ti hadlang kanmu pag-atubangun, patagun di tunda. Mamhan di gid ti Balay Diyus, habang pag-ipauli ti pinaka-uryan pag batu inda, manringgit ti manga tawu, ‘Panginuun, papaladan duy nimu inda.’”

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Huwan 14:19

Udyi dugay aban bag-u dayi gid kumakit sa kangku ti manga taga kalibutan. Dapat kamu kumakit di sa kangku. May tutuu gid pag buhi aku, nakan una kamu may tutuu gid pag buhi.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 5:26

Nu kabitay ti Ama may gimpuunan buhi, katunda diman ipinakaun niya sa Anak ti karampatan hampay may gimpuunan siya buhi.

Huwan 5:40

Dapat unman kamu magkaibug magtanggap sa kangku nakan unman diman waydi matanggap niyu ti tutuu pag buhi.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huwan 6:57

“Ti Ama ti may gimpuunan buhi. Siya ti nagsugu sa kangku. Dahil sa Ama aku hanggan may gimpuunan buhi. Katunda diman waydi ti tawu nu magkaun siya kang bilug may tutuu siya pag buhi dahil sa kangku.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

1 Kurintu 3:11

Dahil unman may makapatindug sa iba batu paratungtungan tulduk, nu unman si Kiristu Hisus lang ti batu ibinugtang Diyus.

Kulusas 3:4

Si Kiristu ti tutuu pag buhi. Nu miburayhaw siya aban, miburayhaw diman hanggan kamu kaibahan niya, miusa sa kadayawan niya.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 2:7

Nakan ngani mahalaga si Kiristu sa kanyu sa manga may sarig. Dapat sa manga unman may sarig matupad inda pag Kasuratan magkun, “Ti batu dinayu manga manugpatindug balay, imaw yi ngap ti ipinakana mahalaga pag kalap.”

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 1:4

Sa katida pag paraan masyadu gid mahalaga kay manga itinaratu sa kanta hampay makaiwas kamu sa kadautan ginan sa kutub kahalayan sitay sa kalibutan, ag hampay hurayan kamu kay pagka-Diyus.