1 Pidru 2:25 - Hanunuu

²⁵ Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

1 Pidru 2:25 Iomraidhean Croise

Kanta 119:176

Tinmalang aku parihu sa nadura karanidu, nakan hanapa aku, kanmu manugsirbi, dahil unman niku pagkalimtan kanmu manga sugu.

Kanta 80:1

Patingihi kami, Manugbantay Israil, ti manuggiya sa manga lahi ni Husi parihu sa manga karanidu. Kawu matukawan sa kanmu tukawan hari sa tungud manga kirubin, pakakitan kanmu kamaskihan

Isayas 13:14

Ti manga day-uhan sa Babilunya malagiw ag bumalik tag sa kanda sadili banwa ga manga karasyaw pagbukadun. Muli sida ga manga karanidu unman may mag-alaga.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isikil 34:6

Nagtinalalang kang manga karanidu sa manga bantud. Nagkarawayak sida sa buu kalibutan, ag unman gid may nagligaw sa kanda.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 18:12

“Hintay nguna sa kanyu isip ti buwatun usa ka tawu may usa ka gatus karanidu, nu nagtalang kay usa? Unman aw lugud kay lang tayakan ti siyampulu may siyam ka bilug karanidu magharab sa kabantudan hampay kay ligawun ti nagtalang?

Matiyu 9:36

Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 5:2

Madunung siya magpasunaid sa manga unman nakatau ag sa manga magsimray dahil una siya may manga kalumuyan diman waydi.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.