1 Pidru 2:24 - Hanunuu

²⁴ Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Pidru 2:24 Iomraidhean Croise

Gimpuunan 22:6

Ipinapas-an ni Abraham sa kan Isaak ti manga kayu pamagba sa handug, bag-u siya ti nandara utak hanggan apuy.

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kanta 38:4

Ga malimus yi aku sa kang manga kasalanan, parihu inda sa mabuyat pag paras-anun balaw niku makaya.

Pag-ighit 28:38

hampay makitan inda sa kay bangas. Pag-ipakakit inda pag-akuun ni Aarun ti kasalanan manga Israilita sa kanda maghandug sa Panginuun. Pagpirmi inda sa kay bangas ni Aarun agud makabaya ti Panginuun sa kanda.

Kabagawan 20:30

Nu kas-a mayad parusahan kita hampay bumag-u kanta nalub-anan.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Libitiku 16:22

Nakan darahun kambing ti tanan kasalanan manga Israilita nu palpasan yi inda tawu sa pangawakawaan.

Libitiku 22:9

Danga niyu pagbul-i halaga kang manga pag-ipatupad sa kanyu. Kailangan gid tupadun niyu inda hampay balaw kamu magkasala ag mamatay. Aku ti Panginuun, ti nagtalaga sa kanyu para sa kangku.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Bilang 18:22

Taynguna ginan, unman may iba ka Israilita ti pumakarani sa Turda Taragbuan purya lang sa manga manughandug ag manga Libita, dahil nu pumakarani sida, may saragtun sida sa kanda kasalanan ag mamatay.

Matiyu 27:26

Bag-u pinalpasan ni Pilatu si Barabas, dapat ipinagaruti niya si Hisus, bag-u ipinakaun sa sundalu hampay ipaku sa kurus.

Matiyu 5:20

Nakan kang pagsabihun sa kanyu, nu balaw niyu mahigitan ti pagtupad manga manugtudlu Kasuguan hanggan manga Parisiyu, dayu kamu makapasakup sa kaharian langit.”

Matiyu 8:17

Binwat niya tunda hampay matupad ti bagaw ipinadakit ni Purupita Isayas magkun, “Bin-ul niya kanta manga kalumuyan, Pinaayad niya kanta manga mag-adnugan.”

Markus 15:15

Sa kay gustu ni Pilatu pasibut-an ti manga kagustuhan tawu, nakan pinalpasan niya si Barabas. Dapat ipinagaruti niya si Hisus bag-u ipinakaun niya sa manga sundalu hampay ipaku sa kurus.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 19:1

Nakan ipinab-ul ni Pilatu si Hisus sa kay manga sundalu hampay kanda garutihun.

Binwat 10:35

Unman may pagpiliun siya una tawu una nasyun. Kay di pagbayaun ti tawu nu maggalang sa kanya ag nu magbuwat mayad.

Binwat 10:39

Nakitan gid duy nimi ti tanan niya manga binwat sa daga manga Hudiyu hanggan sa Hirusalim. Bag-u kanda ipinaku siya sa kurus, kanda minatay.

Binwat 13:29

Pagka tinupad nida ti tanan isinurat tungkul sa kanya, bin-ul nida siya ginan sa kurus bag-u kanda ipinauli sa tinaguktukan batu.

Binwat 5:30

Ti Diyus nita ginurang imaw ti nagbuhi uman sa kan Hisus kanyu ipinapaku sa kurus ipinamatay.

Ruma 6:11

Katunda diman kailangan kilalan-un niyu kanyu sadili tigbak yi sa kasalanan, dapat buhi ngap para sa Diyus dahil sa kanyu pakiusa sa kan Kiristu Hisus.

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

Ruma 6:2

Unman duy. Kita tigbak yi gid sa kasalanan, nakan ngani udyi kailangan kita mag-ugali magkasala.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ruma 6:7

Dahil nu namatay ti tawu, pinaribri yi siya sa kapangyarihan kasalanan.

Ruma 7:6

Dapat ay taynguna udyi sakup kita sa Kasuguan, dahil nu para sa Kasuguan imaw ti nakasakup sa kanta, kita tigbak yi napausa yi sa kan Kiristu kamatayan. Nakan kita magsirbi sa Diyus balaw angay sa un-an nisurat pag manga bilin dapat angay ngap sa bag-u buhi sa sirung kapangyarihan Ispiritu.

1 Kurintu 15:3

Ti itinudlu sa kangku imaw diman waydi kang itinudlu sa kanyu — ti pinakamahalaga: si Kiristu namatay dahil sa kanta manga kasalanan angay sa isinurat sa Banal Kasuratan;

2 Kurintu 6:17

Nakan ngani pagpakarayu kamu ginan sa kanda, pagpablag kamu ginan sa kanda. Magkun ti Panginuun, danga kamu maggaraw sa una hintay pag mayagting hampay kamu kang tanggapun.”

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Kulusas 2:14

Pinaiwdan niya kabuluhan ti tanan kasuratan laban sa kanta. Udyi kita may pag-isipun kapanagutan siti. Dinura Diyus tunda pag manga kasuratan pagka imininsan sa kan Kiristu sa kay napaku sa kurus.

Kulusas 2:20

Namatay yi kamu kaibahan ni Kiristu, udyi kamu sirung kapangyarihan kadautan maghari sa kalibutan? Hayga kamu mag-ugali waya ga manga taga kalibutan waya? Hayga kamu magpaniwala sa manga tun-anun magkun,

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

Hibriyu 10:10

Tinupad ni Hisu-Kiristu kay kagustuhan Diyus. Pagka ipinakaun niya kas-a lang kay sadili bilug sa Diyus, linumpiyu niya kita sa kasalanan.

Hibriyu 10:5

Nakan pagka nagsitay si Kiristu sa kalibutan, magkun siya sa Diyus, “Unman gid gustu nimu ti manga hayup pagmatyun dahil sa kasalanan, hanggan ti manga hayup pagmatyun pag-isagda sa kanmu. Nakan ihinanda nimu kang bilug.

Hibriyu 12:13

“Pagbuwat kamu matadlung pag dalan kanyu lakawan,” hampay dayu madayaan ti manga pilay, nu unman lalu ngap mahulian di gid sida.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

1 Huwan 2:29

Alam yi niyu si Kiristu ti matadlung. Nakan magkaalaman diman waydi niyu una hintay pag tawu nu matadlung kay buwat siya anak yi Diyus.

1 Huwan 3:7

Kamu duy pag manga anak niku, danga kamu padaya una sa kantapu. Ti matadlung kay buwat pag tawu, ga kan Kiristu diman waydi matadlung siya.

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.