1 Pidru 2:23 - Hanunuu

²³ Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

1 Pidru 2:23 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

Kanta 10:14

Dapat nakitan nimu ti manga mag-agwanta hanggan ti manga magkakurian, ag alistu kawu umawat sa kanda. Magpakarani sa kanmu ti manga kaawaawa parihu sa manga ulila, ag pag-awatan nimu sida.

Kanta 31:5

Pag-iintirga niku sa kanmu kang buhi. Ribrihan aku, Panginuun, Diyus masarigan.

Kanta 37:5

Pakan-an sa Panginuun ti buu buhi nimu; pagsarig kawu sa kanya ag awatan niya kawu.

Kanta 7:11

Matadlung kawu pag manugsintinsiya, kada sirang magkagalit kawu sa manga daut.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Isayas 53:7

Inihid siya ag pinakurianan, dapat balaw siya nagdangup. Ga karanidu siya daran-un sa iriyawan hampay matyun, ngatay karanidu pag-uguyan ud mag-ingay.

Lukas 23:41

Nu sa ungud tama inda pag sintinsiya sa kanta kasalanan. Inda kita magbayad yi lang sa kanta binwat. Dapat inda pag tawu unman may binwat una hintay pag kadautan.”

Lukas 23:46

Nagtawag laun si Hisus magkun, “Amang iintirga yi niku kang buhi sa kanmu kamang.” Pagka sinabi niya katida, naugtasan siya arup.

Lukas 23:9

Mayamu kan Hirudis paingana sa kan Hisus dapat siya unman nagsagut una di.

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Binwat 4:29

Taynguna Panginuun, alalahana nimu nu kabitay sida nangungud ngap sa higpit sa kanmi. Pabisugun duy nimu kami kanmu manga suruguun hampay unman gid kami magkadala magtudlu kanmu Bagaw sa manga tawu.

Binwat 7:59

Sa katpung pagbatuhun waya nida si Istiban, nandarangin siya magkun, “Panginuun Hisus, tanggapa gid nimu kang karadwa.”

Binwat 9:1

Dapat ay si Saulu tinalung sa isug, kay gid gustu matyun ti manga tuludluan Panginuun. Nakan nag-ati siya sa pangulu manughandug sa Balay Diyus.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ipisu 6:9

Kamu pag manga amu, pagpasunaid kamu sa kanyu manga panawuhun, danga waydi niyu pagpakapadalaa, dahil alam di niyu parihu lang waydi kamu panawuhun usa lang ka Panginuun sa langit, ud may pag-apihun sa kanyu tanan.

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Hibriyu 12:3

Isip-isipa niyu si Hisus nu kabitay unman sinmuku siya una linabanan siya manga tawu makasalanan. Nakan danga kamu maglubay sa kanyu naisipan, danga waydi magsuku.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Pidru 4:19

Nakan ngani ti manga mag-agwanta sa kakurian angay sa kagustuhan Diyus, pagbuwat sida mayad, bag-u intirgahan nida kanda buhi sa Manuglalang, dahil siya ti masarigan.

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.