1 Pidru 2:21 - Hanunuu

²¹ Imaw yi ngani kay turunu Diyus sa kanyu pagka kamu pinili niya. Si Kiristu diman nagtiis para sa kanyu, pinakakitan niya kamu mustara hampay kanyu huwadun.

1 Pidru 2:21 Iomraidhean Croise

Kanta 85:13

Ti katadlungan ga sa manugbarita mag-una sa pagras-ug Panginuun ag mag-alistu sa kay lakawan.

Matiyu 10:38

Nu ti tawu unman magpas-an kay kurus ag magkuyug sa kangku, unman mahimu siya magpakiusa sa kangku.

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Matiyu 16:24

Bag-u sinabi ni Hisus sa kay manga tuludluan, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Lukas 24:26

Unman aw lugud kailangan ngani ti Pinili Diyus Manugribri pag Hari makalakaw inda pag kakurian bag-u makarubtan niya ti kadayawan?”

Huwan 13:15

Dahil kamu kang pinakakitan usa ka mustara hampay kanyu buwatun sa usa kag sa usa parihu diman ga kang binwat sa kanyu taynguna.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 17:3

Ipinaliwanag niya ti pagsabihun sa Banal Kasuratan. Itinultul niya kailangan mag-agwanta ti Pinili Diyus Manugribri pag Hari bag-u buhiun maan ginan sa kamatayan. Magkun siya, “Inda pag Hisus kang pag-itudlu sa kanyu imaw yi ngani ti Pinili Diyus Manugribri pag Hari.”

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

1 Kurintu 11:1

Paghuwad kamu sa kangku ga kang maghuwad waydi sa kan Kiristu.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Pilipus 2:5

Kailangan kanyu ugali naisipan pagga kan Kiristu Hisus waydi pag ugali naisipan.

1 Tisalunika 3:3

agud unman may manlubay sa kanyu dahil sa pag-unuunu. Alam diman niyu ti manga pag-unuunu angay sa kagustuhan Diyus sa kanta.

1 Tisalunika 4:2

Alam diman niyu ti manga itinudlu nimi sa kanyu ginan sa Panginuun Hisus.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Pidru 4:1

Nag-agwanta si Kiristu sa kakurian sa kay buhi sitay sa babaw daga, nakan ngani una kamu pag-alistu sa kanyu naisipan hampay mag-agwanta waydi. Dahil ti tawu nu mag-agwanta sa kakurian sa kay buhi sitay sa babaw daga, napatlikud yi siya ginan sa kasalanan.

1 Pidru 4:13

Lalu kailangan gid kamu pagbaya sa kanyu magpakidamay sa kakurian ni Kiristu, hampay nu ipaburayhaw yi aban kay kadayawan ni Kiristu, kamu lubus yi sa kabayaan.

1 Huwan 2:6

Nu magsabi ti tawu magkun, pirmi siya magpakiusa sa Diyus, kailangan pagga kan Hisus diman waydi kay ugali.

1 Huwan 3:16

Siti nita pag makilala ti pagmahal, sa kay unman nag-irang ni Hisu-Kiristu kay kinabuhi sa kamatayan para sa kanta. Nakan kailangan balaw diman irangan nita kanta buhi para sa manga patar-ari.

Ipinakakit 12:11

Kanta manga patar-ari nanalu laban sa diyablu, dahil sa dugu Anak Karanidu, dahil diman sa kanda magpadakit sa Bagaw Diyus. Balaw sida naghinayang sa kanda buhi una hanggan waya tugka sa kamatayan.