1 Pidru 2:20 - Hanunuu

²⁰ Unman gid may dumayaw sa kanyu nu mag-agwanta kamu parusa dahil sa kanyu binmuwat daut. Dapat nu kamu parusahan madi kanyu buwat mayad bag-u nu tiisun lang niyu kanda parusa sa kanyu, pihu kamu pagbayaun Diyus.

1 Pidru 2:20 Iomraidhean Croise

Matiyu 26:67

Bag-u binug-anan nida siya sa kay uyahun bag-u kanda sinuntuk. Sinampal waya siya manga iba magkun,

Matiyu 5:47

Nu ti magtar-arian lang tigparaingan-an, hintay ti nabuwat niyu balaw lang ga iba? Una ti manga unman magsarig sa Diyus magbuwat diman katida.

Markus 14:65

Bag-u ti iba sa kanda nagbuga sa kan Hisus. Tinakluban nida kay mata bag-u kanda sinuntuk siya magkun, “Hulaan nimu, si unu ti nagsuntuk sa kanmu?” Pagka iinintirga yi si Hisus sa manga bantay, nagsuntuk diman waydi sida sa kanya.

Lukas 6:32

“Nu kamu magmahal lang sa manga magmahal sa kanyu, hintay waya pag pirimyu kanyu matanggap? Dahil ti manga makasalanan magmahal waydi sa manga magmahal sa kanda.

1 Kurintu 4:11

Taynguna tugka kami magkalun-us di ag magkauwaw, manga daut yi kanmi rutay, sinampal waya kami, unman may turunu ulian.

Galasya 4:18

Balaw daut nu unman mag-irang ti tawu kay budlay basta mayad kay turunu, mayad ngap tunda una aku unman asan sa kanyu.

Ipisu 5:10

Pag-adali niyu nu hintay ti pagbayaun Panginuun.

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

1 Pidru 2:19

Ti Diyus magbaya di nu may pagtiis una si unu sa kay malakawan kakurian dahil sa kay naisipan tagipusuun angay sa Diyus, nu mag-agwanta siya una unman may kasalanan.

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

1 Pidru 3:17

Lalu waya mayad nu kamu may pag-agwantahun kakurian dahil sa kanyu magbuwat mayad, nu abi tida kay kagustuhan Diyus. Minus lang gid nu kamu mag-agwanta kakurian dahil sa kanyu magbuwat daut.