1 Pidru 2:2 - Hanunuu

² Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

1 Pidru 2:2 Iomraidhean Croise

2 Samwil 23:5

Katunda ngani kang linahi sa magbantay Diyus, ag nagbuwat siya kasunduan unman may katapusan sa kangku. Inda pag kasunduan mayad ag malinaw, unman inda mauman. Nakan pihu aku pirmi di iribri Diyus ag ipakaun niya sa kangku ti tanan niku pagkaibgan.

Hub 17:9

Angay sa kanda ti matadlung pag tawu marig-un sa kay magkabuhi ag magmabisug waya gid.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Husyas 14:5

Papaladan niku ti manga taga Israil; bumaliw parihu aku sa tun-ug magpakaun danum sa manga tanum. Lumangba sida parihu sa tanum liryu magbusang. Rumig-un sida parihu sa kayu sidru sa Libanun kay manga gamut arabasad.

Husyas 14:7

Bag-u mangulian maan sida sa kanda daga sa sirung niku pangalaga. Umabunda sida parihu sa uhay maglangba ngatay sa manga ubas magbusang. Bumaliw bantug sida parihu sa intus Libanun.

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Matiyu 18:3

Magkun siya, “Ungud duy kang pagsabihun sa kanyu, nu unman umanun kanyu buut ag pumarihu sa manga anak, unman gid makapasakup kamu sa kaharian langit.

Matiyu 19:14

Dapat ay magkun si Hisus, “Pabay-ani duy niyu ti manga anak magpakarani sa kangku, danga yi niyu pag-irangi. Dahil ti ga manga anak imaw ti pagharian Diyus.”

Markus 10:15

Ungud duy kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian Diyus.”

Lukas 18:17

Ungud kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian niya.”

Ruma 6:4

Kay ibug sabihun, pagka kita itinulbaw, kita namatay, ilinbung kaibahan ni Kiristu hampay kita diman waydi mabuhi sa usa ka bag-u pag buhi, parihu sa kan Kiristu pagka binuhi siya uman sa panab-anan daka pag kapangyarihan Ama.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

Ipisu 2:21

Sa panab-anan niya nagkaraminsan ti kada kalap balay kay pagbuwatun ni Kiristu, hanggan sa udwaya mamhan ti balay kay itinigana hampay banal pag ulian Panginuun.

Ipisu 4:15

Bagkus ngap pumirmaminti kita sa katutuuhanan may tapil di pagmahal hampay bumaliw parihu kita sa kanta pakiusa sa kan Kiristu. Siya ti kanta ulu.

2 Tisalunika 1:3

Kailangan kami pirmi magpasalamat gid sa Diyus tungkul sa kanyu, manga patar-ari. Nakan tama gid nu pirmi kami magpasalamat, dahil mag-amat magrig-un kanyu pagsarig sa kan Kiristu. Hanggan paman kanyu pagmahal sa usa kag sa usa mag-amat waydi magdaka.

1 Pidru 1:23

Dahil kamu ungud gid iinanak inuman balaw sa kapangyarihan lang tawu may kamatayan, nu unman sa kapangyarihan ngap Bagaw Diyus. Ag ti Bagaw Diyus buhi gid unman may katapusan.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.