1 Pidru 2:18 - Hanunuu

¹⁸ Kamu pag manga panawuhun, pagpasakup paggalang kamu sa kanyu amu, pagmatinupadun kamu, balaw lang nu mayad ag mahusay pag amu, una diman sa unman mayad pag amu.

1 Pidru 2:18 Iomraidhean Croise

Kanta 101:4

Magpakarayu aku sa manga tawu liku kay pag-isipun; balaw aku paamut sa kanda kadautan.

Kabagawan 10:32

Ti matadlung pag tawu alam nu hintay ti mayad bagawun, dapat ti daut pag tawu, kay alam lang bagawun kadautan.

Kabagawan 11:20

Pagkadat-an Panginuun ti manga tawu liku kanda pag-iisip, dapat pag-ikabaya niya ti manga tawu kanda pangabuhi unman may ikasabi.

Kabagawan 3:32

Dahil pagkadat-an Panginuun ti manga malinabagun, dapat magpiyar siya sa magpangabuhi sa matadlung.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Titu 3:2

Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.