1 Pidru 2:1 - Hanunuu

¹ Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Pidru 2:1 Iomraidhean Croise

Hub 36:13

Ti manga balaw maka-diyus maghamnu galit sa kanda tagipusuun, ag una pagparusahan sida Diyus, unman sida maghagad awat sa kanya.

Kanta 32:2

Mapalad ti tawu kay manga kasalanan balaw yi pag-ibilang Panginuun laban sa kanya ag unman siya may pag-itagu kasalanan sa kay tagipusuun.

Kanta 34:13

kailangan balaw siya magbagaw daut ag danga magpamudil.

Kanta 37:1

Danga kawu magkasamuk sa daut pag manga tawu, ngatay maghirak sa manga magbuwat daut.

Kanta 73:3

dahil naghirak aku sa palabi-labihun hanggan sa daut pag manga tawu pagka nakitan niku mag-alwan sida.

Kabagawan 14:30

Ti may kahusayan pag naisipan ikaayad bilug, dapat ti hirak parihu sa sakit mag-arit-it sa manga but-ul.

Kabagawan 24:1

Danga kawu maghirak sa manga daut pag tawu ngatay maghingbut makaupud sa kanda,

Kabagawan 24:19

Danga kawu magkasamuk ngatay maghirak sa daut pag manga tawu,

Kabagawan 3:31

Danga kawu maghirak sa maisug pag tawu ngatay maghuwad sa kay manga pagbuwatun.

Isayas 2:20

Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Matiyu 15:7

Manga magpabalhinguun lang kamu. Bukun ngap salan kay ipinurupita ni Isayas tungkul sa kanyu magkun, ‘Magkun ti Diyus,

Matiyu 23:28

Katida ngani kamu, sa magbantay lang tawu manga mayad yi gid kamu, dapat nu sa ungud pasay yi kamu magpabalhinguun lang, manga labag ngap kamu sa Kasuguan.”

Matiyu 24:51

Barian yi siya sa parusa niya amu, iminsan yi sa manga magpabalhinguun. Ati sida magnguruynguyan ag mangubut kanda manga ngipun.”

Matiyu 7:5

Magpabalhinguun lang kawu kuntay mayad. Bul-a dapu ti batang sa kanmu mata, bag-u humiling yi kawu mayad hampay mab-ul nimu kanmu patar-ari paruk.

Markus 12:15

Dapat alam di ni Hisus kanda magpabalhinguun, nakan nagsabi siya sa kanda, “Hayga aku kanyu pagsubukan? Anti kanyu dinaryu.”

Lukas 11:44

Anung kaawaawa kamu, dahil kamu parihu sa manga lubung unman may tanda. Pagtat-an manga tawu unman nida alam lubung maaw.”

Lukas 12:1

Nagtiripun ti mayamu pag linibu tawu, nanarat-an yi dahil sa kayamuan. Magkun si Hisus sa kay manga tuludluan, “Pag-aman kamu sa magpabalhinguun manga Parisiyu, parihu ga pamadaka sa tinapay kay ugali.

Lukas 6:42

Kabitay kawu pag sumabi sa kanmu patar-ari, ‘Tar-ari, mahimu aw aku bum-ul kanmu paruk sa kanmu mata,’ nu unman nimu nakitan ti batang sa kanmu sadili mata? Kawu duy magpabalhinguun lang. Bul-a dap ti batang sa kam sadili mata, bag-u makakit mayad kawu hampay mab-ul nimu ti paruk sa kanmu patar-ari mata.”

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Ruma 1:29

Nasakup yi sida tanan kalasi kadautan, kalukuhan, maramuun, daut pag naisipan. Punu sida kainggitan. Nag-ugali sida sa maglibun tawu, sa magtalaluhan, sa magdaya hanggan sa maglupig. Sida maglibak daut,

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

1 Kurintu 5:8

Nakan ngani tun-anun nita ti kapistahan. Dayi kita sa tinapay may daan pamadaka, imaw ti kasalanan hanggan daut pag naisipan. Pagkaun kita sa tinapay unman may pamadaka. Kay ibug sabihun pagmalumpiyu kanta naisipan, pag may katutuuhanan.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Ipisu 4:31

Bul-a yi niyu ti magkutub daut, ti pusuk yi pag isug hanggan ti galit. Danga kamu magpamarahak, una magpuya, danga yi may hamnu galit.

1 Tisalunika 2:3

Kanmi tudlu unman may turunu sa ikatalang, unman diman sa ikadaut una sa ikadaya.

1 Timutiyu 3:11

Kailangan hanggan kanda manga asawa mabuut, danga sida magkutsu-kutsu. Kailangan sida manga mayad gid, matinupadun sa tanan bagay.

Titu 2:3

Katunda diman pagkumun kawu sa manga gurangun pag babayi, kailangan ipakakit nida kanda maggalang sa Panginuun hanggan sa tawu, danga sida parabangdan sa tawu, danga sida magkadara sa manga irinmanun, bagkus kailangan pagtudlu sida sa mayad.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Santiyagu 1:21

Nakan ngani pagpatlikud kamu ginan sa kayagtingan niyu buwat; pagbul-a niyu ti daut pag ugali; pagpakumbaba kamu lubus ag tanggapa niyu ti Bagaw Diyus ti itinanum sa kanyu tagipusuun. Inda pag Bagaw Diyus ti makaparibri sa kanyu.

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

Santiyagu 4:11

Danga magkaradat-an kamu, manga patar-ari. Nu ti tawu mag-away sa usa ka patar-ari, ag magpihu sa usa ka patar-ari nu daut nu mayad, kay pag-awayun ngap ti Kasuguan, kay pagpihuun ti Kasuguan nu daut nu mayad. Nu alamun nimu nu daut nu mayad ti Kasuguan balaw yi ngap kawu magtupad sa Kasuguan, bagkus ngap pagpalabi-labihan lang nimu ti Kasuguan.

Santiyagu 4:5

Barang kanyu isip unman mahalaga ti nisurat sa Banal Kasuratan magkun, “Magkaibug gid ti Diyus magpakiusa sa manga tawu, dahil kay pinakan-an sida arup.”

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.

1 Pidru 2:16

Kamu manga irinibri yi, dapat una kamu may karibrihan danga waydi niyu buwatun purun-an buwat daut, kailangan ngap pagga manga panawuhun Diyus kanyu ugali.

1 Pidru 2:22

“Unman nagbuwat si Hisus una hintay pag kasalanan, unman diman may nadnugan sa kanya una hintay pag bagaw balaw katutuuhanan.”

1 Pidru 3:10

Angay sa nisurat sa Banal Kasuratan magkun, “Ti may gustu magkaibug sa buhi ag sa makakit siya mayad pag kahamtangan, pagpigil siya sa kay baragawun daut, kay bibig danga magbagaw daya.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

1 Pidru 4:4

Maglingut ngani sida nu hayga nguna udyi kamu magpaminsan taynguna sa unman may kabuluhan pag manga ugali nida. Nakan pagkadat-an nida kamu.

Ipinakakit 14:5

Unman sida nagpudil kaybi ginan una di, unman may ikasabi tungkul sa kanda.