1 Pidru 1:8 - Hanunuu

⁸ Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

1 Pidru 1:8 Iomraidhean Croise

Kanta ni Sulumun 1:7

Mahal niku, tultuli aku, naan lugud kawu pag manpaharab kanmu manga karanidu? Naan lugud nimu sida pag ipahari sa karaw-an sirang? Tultuli aku hampay balaw yi aku manhanap waya sa kanmu ati sa kanmu manga kakilala magpaharab diman manga karanidu. Dahil barang mahantupan waya nida aku usa ka babayi uragin.

Kanta ni Sulumun 5:16

Mayad arukan kay bibig, marinu gid siya. Manga babayi sa Hirusalim, siya kang mahal, kang kakilala.

Kanta ni Sulumun 5:9

Marinu pag babayi, unu gid lugud may imaw kanmu mahal unman may imaw sa iba, ag pag-ipataratu waya nimu kami? Mas mayad gid aw lugud siya sa iba?

Matiyu 10:37

“Nu ti tawu magbaya sa kay ama hanggan sa kay ina balaw lang ga kay magbaya sa kangku, unman mahimu siya magpakiusa sa kangku. Nu ti tawu magbaya sa kay anak lalaki una anak babayi balaw lang ga kay magbaya sa kangku, unman mahimu siya magpakiusa sa kangku.

Huwan 14:15

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Huwan 14:21

“Una hintay pag tawu nu tinanggap niya kang manga bilin bag-u kay tupadun, tunda yi ngani pag tawu tigmahal sa kangku. Mahalun diman niku Ama una hintay pag tawu nu magmahal sa kangku. Ag ipakilala niku kang sadili sa kanya.”

Huwan 14:24

Dayu waydi tumupad ti tawu sa kang manga bilin nu unman pagmahalun niya aku. Ti manga itinudlu niku kanyu nadnugan balaw ginan lang sa kang sadili isip. Tunda pag manga bagaw ginan di sa Ama sa nagsugu sa kangku.

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Huwan 20:29

Sinabi ni Hisus sa kanya magkun, “Nakan aw kawu maniwala yi dahil nakitan nimu aku? Masulung gid ti manga magpaniwala una unman mag-akitan nida aku.”

Huwan 8:42

Sinabi ni Hisus sa kanda magkun, “Nu abi ti Diyus gid kanyu ama, pihu mana aku kanyu pagmahalun. Aku nagsitay ginan sa Diyus. Unman aku nagsitay sa sadili lang niku kagustuhan, dapat kang Ama ti nagsugu sa kangku.

Binwat 16:34

Pagka nitulbaw yi, tinaban niya sida ni Pablu tag sa kay balay, bag-u kay hinayinan karan-unun. Lubus gid nakabaya ti bantay pirisuhan hanggan kay manga kasunu balay, dahil sida tinudluan ngani hampay sumarig sa Diyus.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

2 Kurintu 1:22

Tinandaan niya kita kuntay kita kanya. Ipinakaun niya sa kanta ti Ispiritu mag-uli sa kanta tagipusuun, imaw kay puruyba matanggap nita kay manga itinaratu.

2 Kurintu 12:4

Pagka ati may nadnugan siya manga bagaw dayi mahuwad mabagaw una waya si unu, unman waydi may karampatan tumultul una si unu pag tawu.

2 Kurintu 4:18

Nakan ngani kami magturun balaw sa manga bagay mag-akitan sa mata nu unman ngap sa manga bagay unman mag-akitan, dahil madali di maglawuy ti manga mag-akitan sa mata, dapat unman gid may katapusan ti manga unman mag-akitan sa mata.

2 Kurintu 5:7

Kanmi ugali angay sa kanmi sarig sa Diyus, balaw angay sa manga bagay mag-akitan sa mata.

2 Kurintu 9:15

Salamat sa Diyus dahil sa kay pakaun unman may makatimbang.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Ipisu 3:19

Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.

Ipisu 6:24

Sa tanan tawu nu kanda pagmahal sa Panginuun Hisu-Kiristu balaw magkauman-uman, pagsa kanda yi ngap kay papalad Diyus.

Pilipus 1:25

Alam yi niku pihu madugay waya aku sitay kaibahan niyu tanan hampay kamu kang awatan sa lalu kamu rumig-un ag makabaya sa kanyu pagsarig sa kan Kiristu.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

Hibriyu 11:1

Nu may pagsarig kita, maniwala diman kita pihu gid mangyari aban ti kanta pag-alagdun, ag may puruyba kita sa kanta tagipusuun tungkul sa katutuuhanan manga bagay una unman mag-akitan.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

1 Pidru 1:6

Nakan ngani duy kailangan kamu pagbaya gid, una abi makalakaw dapu kamu sa tuhay-tuhay pagsubuk sa sulud diit pag udas.

1 Pidru 2:7

Nakan ngani mahalaga si Kiristu sa kanyu sa manga may sarig. Dapat sa manga unman may sarig matupad inda pag Kasuratan magkun, “Ti batu dinayu manga manugpatindug balay, imaw yi ngap ti ipinakana mahalaga pag kalap.”

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.