1 Pidru 1:6 - Hanunuu

⁶ Nakan ngani duy kailangan kamu pagbaya gid, una abi makalakaw dapu kamu sa tuhay-tuhay pagsubuk sa sulud diit pag udas.

1 Pidru 1:6 Iomraidhean Croise

Kanta 119:28

Bilang ga maglumuy aku sa karukuan, nakan ngani pabaskuga aku angay sa kanmu taratu.

Kanta 119:75

Alam niku, Panginuun, matadlung kanmu manga sugu. Ag dahil tapat kawu, binunggud nimu aku.

Kanta 34:19

Una mayamu ti manga kakurian sa matadlung pag tawu pag-iribri di siya Panginuun ginan sa tanan inda.

Kanta 35:10

Ti buu buhi niku sumabi, “Unman gid may pumarihu sa kanmu, Panginuun. Pag-iribri nimu ti manga makuri hanggan ti manga pugri sa manga mag-api ag mag-away sa kanda.”

Kanta 69:20

Nabyatan aku sa kanda magpakay-a sa kangku ag nag-alangan kang buut. Nangalagad aku hampay kaawaan, dapat unman gid may naawa. Nangalagad aku hampay may manpasulung, dapat unman gid may nagpasulung.

Kanta 9:14

hampay mitultul niku sa manga tawu ati sa manga sabian Siun kanmu manga binwat, imaw kay dahilan nakan magdayaw aku sa kanmu. Makabaya aku ati dahil irinibri nimu aku.

Kanta 95:1

Abala kamu, manganta kita sa kabayaan. Paghuyaw kita sa Panginuun, ti palalan-iban pag batu magribri sa kanta.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 26:37

Dapat tinaban niya si Pidru hanggan kay duwa ka anak ni Sibidiyu sida ni Huwan, ni Santiyagu. Bag-u nanruku siya ag naarimputu sa kay tagipusuun.

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Lukas 1:47

Nakabaya kang tagipusuun sa Diyus, sa kang Manugribri.

Lukas 10:20

Dapat duy danga kamu magbaya dahil ti manga labang magpaniwala sa kanyu. Lalu ngap kamu pagbaya dahil kanyu manga ngaran ilinista yi Diyus sa langit.”

Lukas 2:10

Dapat magkun ti anghil sa kanda, “Kamu duy, danga magkadala, dahil malu, may dara aku sa kanyu tabug usa ka mayad gid pag barita may daka pag kabayaan sa tanan tawu.

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Ruma 5:2

Ginan diman sa kan Kiristu pag nakarubtan yi nita kay pangaawa Diyus kanta yi napunduhan. Lubus kita masulung sa kanta mag-asa miusa di kita aban sa Diyus sa kay kadayawan.

Ruma 9:2

masyadu kang karukuan balaw mab-ul kang mag-asaydan sa kang tagipusuun, tungkul sa kang manga kanasyun, sa kang manga kasimanwa. Mayad waya abi sa kangku nu saadan yi lang aku miblag ginan sa kan Kiristu basta maribri mana sida.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

2 Kurintu 6:10

Madi maruku-maruku dapat pirmi diman may kabayaan, ga anyu pugri dapat mayamu ngap tawu kanmi pagpayamanun. Ga anyu ud may kaasanan dapat sa kanmi ngap ti tanan bagay.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Pilipus 2:26

Mag-ayup yi gid siya sa kanyu tanan. Tutuu yi gid pinung-aw siya pagka naalaman niya kuntay nabaritaan niyu siya may sakit.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

Santiyagu 1:2

Manga patar-ari niku, pagbaya kamu lubus nu kamu makalakaw sa tuhay-tuhay pag manga subuk.

Santiyagu 1:9

Nu pugri ti usa ka patar-ari, may kabayaan ngap siya nu siya pinaabwat Diyus.

Santiyagu 4:9

Pagmaruku kamu pagpanhilumawan paglumi gid kamu. Kanyu magparaarak-akan ilsi niyu luwa mata. Kanyu kabayaan pag-ilisi niyu karukuan.

1 Pidru 3:17

Lalu waya mayad nu kamu may pag-agwantahun kakurian dahil sa kanyu magbuwat mayad, nu abi tida kay kagustuhan Diyus. Minus lang gid nu kamu mag-agwanta kakurian dahil sa kanyu magbuwat daut.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

1 Samwil 2:1

Nandarangin si Hana magkumun, “Magbaya aku sa Panginuun. Dahil sa kay binwat, nadura yi kang magkay-a. Pagkasarin-an niku taynguna kang manga kalaban. Magbaya aku sa kay pagribri sa kangku.