1 Pidru 1:5 - Hanunuu

⁵ Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.

1 Pidru 1:5 Iomraidhean Croise

Hub 19:25

“Dapat alam di niku buhi di kang Manugribri, ag sa uryan rumas-ug siya sa daga agud apinan aku.

Kanta 37:28

Dahil magkaibug ti Panginuun sa katadlungan ag balaw niya pagpabay-anan ti manga matinupadun sa kanya. Pag-alagaan niya sida hanggan aban, dapat ti manga linahi manga daut palayasun sa daga Israil.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 66:22

Magkun waya ti Panginuun, “Nu kabitay ti bag-u pag langit ag ti bag-u pag daga kang buwatun pumirmaminti hanggan aban, kanyu linahi pumirmaminti diman hanggan aban, ag balaw niku kamu malimtan.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Huwan 12:48

Dapat may sumintinsiya sa tawu nu siya magdayu sa kangku ag nu unman siya magpaniwala sa kang pagbagawun. Kang ngap manga binagaw imaw ti sumintinsiya sa kanya sa katapusan panahun aban.

Huwan 17:15

Unman aku magdarangin hampay bul-un nimu sida ginan sa babaw daga. Dapat kang pag-idarangin sida hampay kanmu iribri sida sa Puun Kadautan.

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

Ruma 8:18

Sa sadili isip niku ti paglakawan nita kakurian kainda pihu unman tumimbang sa kadayawan miburayhaw aban sa kanta.

1 Kurintu 1:21

Dahil sa kadunungan Diyus, balaw niya ipinahintulut makilala siya tawu sa panab-anan kadunungan kalibutan. Bagkus ngap, pagmayadun niya maribri ti manga sumarig sa kanya sa panab-anan Mayad pag Barita. Inda Mayad pag Barita kanmi pag-itultul, dapat angay sa kadunungan kalibutan inda unman may kabuluhan.

2 Kurintu 1:24

Balaw duy kanmi gustu kamu giyahan waya nimi sa kanyu pagsarig, dahil marig-un yi waydi kamu sa kanyu pagsarig. Magkaibug kami umawat hampay masulung kamu sa kanyu buhi sa kan Kiristu.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Pilipus 1:6

Alam niku pihu gid tapusun Diyus hanggan sa udwaya kaudasan pagbalik ni Kiristu Hisus ti mayad pag tarabahu kay inumpisahan sa kanyu.

Pilipus 4:7

Balaw matabu nita masalman kay kahusayan Diyus. Imaw pag kahusayan ti makaingat sa kanyu tagipusuun hanggan sa kanyu naisipan sa kanyu pakiusa sa kan Kiristu Hisus.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 6:12

Nakan danga kamu magbugya. Huwada ngap niyu ti manga matiniisun sa kanda magsarig sa Diyus dahil sida ngani tigtanggap sa kay itinaratu Diyus.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 4:13

Lalu kailangan gid kamu pagbaya sa kanyu magpakidamay sa kakurian ni Kiristu, hampay nu ipaburayhaw yi aban kay kadayawan ni Kiristu, kamu lubus yi sa kabayaan.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

2 Pidru 1:3

Tinanggap nita dahil sa kay kamaskihan Diyus ti tanan nita manga pangailangan hampay mag-ugali kita marig-un sa kanya. Mangyari inda dahil sa kanta magkilala sa kan Hisus. Siya diman ti nagpili sa kanta sa panab-anan niya sadili kadayawan hanggan kaayadan.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.

1 Samwil 2:9

Paggiyahan niya kay manga masururundun pag manga nasakupan, dapat ti manga magbuwat daut kay rurisun. Unman may pumanalu sa panab-anan sadili kabisugan.