1 Pidru 1:3 - Hanunuu

³ Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

1 Pidru 1:3 Iomraidhean Croise

1 Hari 8:15

Magkun siya, “Dayawun ti Panginuun, ti Diyus Israil. Tinupad niya kay taratu sa kang ama sa kan Dabid. Magkun siya kaybi,

1 Krunika 29:20

Bag-u magkun si Dabid sa tanan kadamlan, “Dayawa niyu ti Panginuun niyu Diyus.” Nakan dinayaw nida ti Panginuun, ti Diyus nida manga ginurang. Nanluhud sida ag nanyuk-ub sa paggalang sa Panginuun hanggan sa hari.

2 Krunika 31:8

Pagka nakitan ni Isikyas ag niya manga may kangaranan ti manga matumpukan pag handug dinayaw nida ti Panginuun ag manga nasakupan niya Israilita.

Kanta 41:13

Pagdayawun ti Panginuun, ti Diyus Israil, sa unman may katapusan. Amin! Amin!

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Pag-ighit 34:6

Linmawuy ti Panginuun sa kay atubangan ni Muysis magkun, “Aku ti Panginuun, ti maawaun ag mainawatun pag Diyus. Mapagmahal ag matinupadun aku, ag balaw madali magkagalit.

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Huwan 1:13

Sida manga anak yi Diyus dapat balaw parihu sa tawu pag kapanganakan may ama may ina, nu unman dahil sa kagustuhan Diyus.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 15:13

Diyus ti may pakaun pag-asa sa kanta imaw waydi ti pumakaun kabayaan sa kanyu, hanggan kahusayan sa kanyu magsarig agud lalu abunda kanyu pag-asa dahil sa kapangyarihan Ispiritu Banal.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

Ruma 8:24

Ribri yi kita, dapat pag-alagdun waya nita ti lubus pag karibrihan. Ti pag-asa balaw yi masabi pag-asa nu mag-akitan yi ti pag-asahan. Dahil si unu ti umasa waya nu nakitan yi.

1 Kurintu 13:13

Dapat inda pag tulu ti unman gid madura hanggan waya aban, ti pagsarig, ti pag-asa hanggan ti pagmahal. Dapat ti mahalaga sa tulu imaw ti pagmahal.

1 Kurintu 15:20

Dapat kay tutuu, si Kiristu binuhi uman sa kay pagkamatay, imaw tunda ti puruyba kuntay buhiun uman ti manga namatay.

2 Kurintu 1:3

Kanta dayawun ti Diyus, ti Ama nita Panginuun Hisu-Kiristu, siya ti maawaun pag Ama, siya pag Diyus tigpakaun tanan maariwaya pag naisipan.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Ipisu 1:3

Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 2:4

Dapat ay abunda gid kay awa Diyus ag daka gid kay pagmahal sa kanta.

Ipisu 3:20

Ti Diyus gid ti makabuwat subra man sa tanan nita mahagad ag maisip, dahil kay kamaskihan tig hari sa kanta.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

1 Tisalunika 4:13

Manga patar-ari, gustu nimi pagmaalaman niyu kay tutuu tungkul sa manga namatay yi, hampay kamu dayu maaburidu parihu sa tawu unman may pag-asa.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

1 Timutiyu 1:14

Ungud mayad kay nabubut-un nita Panginuun sa kangku, nakan may natanggap di gid aku ginan sa kanya pagsarig hanggan pagmahal, kay ngani pag-ipakaun sa kanta dahil sa kanta pakiusa sa kan Kiristu Hisus.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 1:23

Dahil kamu ungud gid iinanak inuman balaw sa kapangyarihan lang tawu may kamatayan, nu unman sa kapangyarihan ngap Bagaw Diyus. Ag ti Bagaw Diyus buhi gid unman may katapusan.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

1 Pidru 3:15

Galangun niyu sa kanyu tagipusuun si Kiristu, imaw ti Panginuun. Pagmay alistu kamu pirmi kanyu isagut nu may humagad paliwanag tungkul sa kanyu pagsarig.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.

1 Pidru 3:5

Kaybi waya pag panahun katida pag rinu ti pinahalgaan manga babayi lubus sakup sa Diyus. Sida nagsarig gid sa Diyus ag nagpasakup diman sa kanda manga asawa.

1 Huwan 2:29

Alam yi niyu si Kiristu ti matadlung. Nakan magkaalaman diman waydi niyu una hintay pag tawu nu matadlung kay buwat siya anak yi Diyus.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.

1 Huwan 3:9

Una hintay pag tawu ti nianak Diyus unman mag-ugali sa kasalanan, dahil kay tinanggap yi ti bag-u buhi ginan sa Diyus. Dayu mahimu siya mag-ugali sa kasalanan dahil Diyus yi kay Ama.

1 Huwan 4:7

Manga patar-ari, pagmalahalan duy kita sa usa kag sa usa. Dahil ti pagmahal ginan sa Diyus. Ti tawu nu magmahal, nianak siya Diyus ag nakakilala siya sa Diyus.

1 Huwan 5:1

Una hintay pag tawu tigpaniwala si Hisus yi ngani ti Pinili Diyus Manugribri pag Hari, ati pag tawu nianak Diyus. Una hintay pag tawu tigmahal sa Ama, magmahal diman waydi siya sa Anak.

1 Huwan 5:18

Magkaalaman nita una si unu ti anak Diyus dayu pumadayun sa kasalanan, dahil pag-alagaan siya Anak Diyus ag dayu makagaraw sa kanya si Satanas.

1 Huwan 5:4

Dahil una hintay pag tawu nu nianak yi Diyus, magpanalu siya sa ugali kalibutan. Kanta pagsarig imaw yi ngani kanta panalu sa ugali kalibutan.