1 Pidru 1:2 - Hanunuu

² Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Pidru 1:2 Iomraidhean Croise

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 65:22

Balaw yi kanda manga kalaban ti pumakinabang sa kanda manga balay hanggan manga tanum. Dahil nu kabitay ti puun kayu magkabuhi dugay, katunda diman kang manga nasakupan, pihu pakinabangan gid nida lubus kanda binudlayan.

Isayas 65:9

May sawadan di aku buhi sa manga linahi ni Hakub hanggan sa lahi ni Huda bag-u sida ti mumana kang rugar may mayamu pag kabantudan. Sida kang manga pinili ag manga manugsirbi ti mangulian sa inda pag daga.

Danyil 4:1

Nagbuwat si Hari Nabukudunusur usa ka pabarita para sa tanan tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu ti kahusayan ag pag mayad gid kanyu kahamtangan.

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Libitiku 1:5

Bag-u iyawun niya tunda pag hayup sa atubangan Panginuun. Ag kay dugu tunda iwidwisik manga manughandug lahi ni Aarun sa sangput harandugan, arani sa may sabian Turda Taragbuan.

Matiyu 24:22

Nu unman padag-udun di Diyus aban tunda pag udas kakurian, unman may tawu maribri. Dapat dahil ngani sa kay manga pinili, padag-udun Diyus tunda pag udas kakurian.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:20

Nu abi unman padag-udun Panginuun aban tunda pag udas kakurian, unman may tawu maribri. Dapat ay dahil ngani sa kay manga pinili, padag-udun Panginuun tunda pag udas kakurian.

Markus 13:22

Dahil may manga pumabalhinguun aban kuntay siya yi ngani ti Pinili Diyus Manugribri pag Hari ag may lumuwang manga pudilun pag purupita. Pumakakit sida manga makadululaw ag lilingutan pag tanda hampay nu mahimu lang patalangun nida hanggan ti manga pinili Diyus.

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Lukas 18:7

Unman aw lugud awatan Diyus kay manga pinili hampay may matarung sida dahil magdangup sida sa kanya sirang yabi?

Binwat 15:18

Inda kay sinabi ngani Panginuun imaw ti nagpasandam inda kaybi waya ginan.’”

Binwat 2:23

Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Binwat 20:32

“Taynguna duy pag-iintirga niku kamu sa Panginuun hampay ingatan niya kamu. Hanggan ti Bagaw tungkul sa kay mayad nabubut-un Diyus umingat waydi sa kanyu. Kay Bagaw Diyus ti makaparig-un sa kanyu. Imaw gid ti pumapalad sa kanyu kay kaayadan kay ihinanda Diyus sa manga tawu magpasakup sa kanya.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 11:2

Unman dinayu Diyus kay nasyun, kabay sa kabag-u di waya turunu niya kay yi pinili. Unman aw lugud niyu magkaalaman ti pagsabihun sa Banal Kasuratan tungkul sa kan Ilyas? Nangungud siya sa kay darangin sa Diyus laban sa manga taga Israil.

Ruma 11:28

Dinayu manga Hudiyu ti Mayad pag Barita, nakan nagbaliw sida manga kalaban Diyus. Bag-u pinakan-an ngap kamu pag manga balaw Hudiyu rugar hampay makakit karibrihan. Dapat ti manga Hudiyu pinili di Diyus, kay di gid pagmahalun sida dahil sa kay taratu sa kanda manga ginurang.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

Ruma 8:33

Si unu lugud ti pumanghas magsumbung laban sa manga tawu pinili yi Diyus? Udyi! Diyus kabay ti magkilala sa kanda kuntay sida manga matadlung.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

2 Tisalunika 2:13

Dapat kailangan pirmi kami magpasalamat sa Diyus dahil sa kanyu, manga patar-ari. Kamu kay pagmahalun Panginuun. Kami magpasalamat gid dahil ginan waya sa kabag-u kamu kay yi gid pinili hampay kamu pakan-an karibrihan, dahil sa kay kamaskihan Ispiritu imaw tigbuwat matadlung sa kanyu ag dahil sa kanyu pagsarig sa katutuuhanan.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 11:28

Dahil sa kay pagsarig, itinudlu ni Muysis ti Pag-alaala sa Karibrihan ag nagbilin siya sa manga tawu magkun, wisikan nida dugu ti bakalan hampay lumawuy di ti manugpapas sa manga panganay manga taga Israil agud sida dayu mapapas niya.

Hibriyu 12:24

Ag kamu nagpakarani sa kan Hisus. Sa kanya pag itinalaghut ti bag-u taratu. Kay dugu ni Hisus ti magtudlu sa kanta mayad man pag manga katutuuhanan, balaw lang ga kay dugu ni Abil.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.

2 Pidru 1:2

Pagsa kanyu ti abunda pag papalad hanggan kahusayan dahil sa kanyu magkilala sa Diyus hanggan sa kanta Panginuun Hisus.

2 Huwan 1:1

Inda ti may surat imaw ti manug-asiwa sa iglisya, atag sa kay pinili Diyus pag babayi hanggan sa kay manga anak. Lubus duy aku magmahal sa kanyu dahil sa kanta magpakiusa sa katutuuhanan ag balaw lang aku nu ud tunda ngap hanggan tanan pag manga nakakilala sa katutuuhanan.

2 Huwan 1:13

Ti manga anak nimu patar-ari babayi kay diman pinili Diyus magpaingana nu kabitay waydi kunu kawu asan.

Hudas 1:2

Pagsa kanyu gid lubus kay pangaawa, kay kahusayan hanggan kay pagmahal Diyus.