1 Pidru 1:18 - Hanunuu

¹⁸ Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

1 Pidru 1:18 Iomraidhean Croise

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 52:3

Dahil inda ti pagsabihun Panginuun Diyus, “Binihag kamu ga manga tawu ipinabili bilang suruguun unman may bayad, nakan lukatun niku kamu unman diman may bayad. Nag-atag kamu kaybi sa Ihiptu hampay ati pag mangulianan ag inihid kamu ati. Ag kaybi sa uryan binihag diman kamu taga Asirya unman may bayad.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 4:11

Rumas-ug ti sirang sumabi ti Panginuun sa manga taga Hirusalim, “Umuyup ti mainit pag durus ginan sa arabwat pag rugar sa pangawakawaan atabug sa manga nasakupan niku, dapat ay balaw hampay mataphan ti manga tirigu nida.

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Isikil 20:18

Sinabihan niku kanda manga anak ati sa pangawakawaan, “Danga niyu pagsunda ti manga surundanun ag buruwatun niyu manga gurang, ag danga niyu pag-uringi kanyu sadili sa panab-anan pagsamba sa kanda manga diyus-diyusan.

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Markus 8:37

Hintay ti ibayad tawu hampay bawiun maan niya kay buhi?

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

1 Kurintu 3:20

Sinabi waya maan sa Banal Kasuratan magkun, “Alam di Panginuun ti pag-isipun manga madunung ag alam niya pasay unman may kabuluhan.”

1 Kurintu 6:20

dahil kamu binili yi sa halaga. Nakan gamitun niyu kanyu bilug sa ikadayaw sa Diyus.

1 Kurintu 7:23

Binili kamu Diyus sa daka pag halaga. Danga yi maghingbut kamu hampay panawuhun maan kaparihu tawu.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 9:12

Kas-a lang gid pag nagsaka si Kiristu ati sa Pinakabanal pag Sulud-sulud, udyi kailangan ulitun. Sa kay nagsaka may dara diman siya dugu hampay siya makaatubang sa Diyus, dapat balaw dugu kambing, balaw diman dugu ibun baka nu unman kay ngap sadili pag dugu. Nakan unman may katapusan kay kinamhan ati pag karibrihan sa kanta manga kasalanan.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 4:3

Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

1 Huwan 3:5

Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.