1 Pidru 1:17 - Hanunuu

¹⁷ Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.

1 Pidru 1:17 Iomraidhean Croise

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

1 Krunika 29:15

Alam nimu maglawuy lang kami sitay sa kalibutan parihu sa kanmi manga ginurang. Kanmi buhi sa kalibutan parihu sa aninu balaw pumirmaminti.

2 Krunika 19:7

Paggalang kamu sa Panginuun, ag pagpihu kamu matadlung dahil balaw pagpasnuan Panginuun nita Diyus ti unman may katadlungan, ti maghusay may pagkilingan, ag ti magtanggap suhul.”

Hub 34:19

Unman siya may pagpalabihun manga takinan, ag unman niya pagbaliwahan ti manga mayaman kaysa pugri, dahil sida tanan parihu niya linalang.

Kanta 39:12

Saguta kang darangin, Panginuun; patingihi kang maghagad awat. Danga kawu magpabungul sa kang maglumi. Dahil usa lang aku ka day-uhan pag bisita nimu sitay sa kalibutan, parihu sa tanan niku manga ginurang.

Kanta 89:26

Sumabi siya sa kangku, ‘Kawu kang Ama ag Diyus; kawu ti palalan-iban pag batu magribri sa kangku.’

Kabagawan 14:16

Ti madunung pag tawu magdahan sa kay sadili ag mag-aman sa gulu, dapat ti unman may intindi pag tawu balaw magdahan bagkus ngap harus-harus.

Kabagawan 28:14

Mapalad ti tawu pirmi maggalang sa Panginuun, dapat ti tawu maganit kay tagipusuun midamhak.

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 22:16

Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Matiyu 6:9

Kainda kamu nu magdarangin magkun, ‘Kanmi Ama sa langit, mana dayawun manga tawu kanmu ngaran.

Ruma 11:20

Tutuu gid tunda. Pinlud sida dahil unman sida magsarig sa Diyus. Dapat kawu isinugdung dahil magsarig kawu sa Diyus. Nakan ngani, danga kawu magpalabi-labi, bagkus ngap pag-aman kawu.

2 Kurintu 1:2

Pagsa kanyu ti papalad hanggan ti kahusayan ginan sa Diyus sa kanta Ama ag ginan diman sa Panginuun Hisu-Kiristu.

2 Kurintu 5:6

Nakan ngani pirmi di maariwaya kanmi naisipan. Alam yi nimi basta maulianan waya ti bilug nimi inda, dayu waya mahimu pakan-an kami bag-u bilug ginan sa Panginuun.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

2 Kurintu 7:11

Isipa niyu kanyu buhi nu hintay ti nangyari sa kanyu dahil sa kanyu karukuan ginan sa Diyus. Nanipag yi gid ungud kamu hampay makilala kuntay kamu unman may kasalanan sa siyun pag manga nangyari, magkaaburidu kamu sa kanyu sadili bilug, dinurnan kamu dala, magpatigagad yi sa kang pagras-ug, pagpakibudlayan niyu sa gustu lang niyu maparusahan ti nagkasala. Ipinakakit niyu lubus kuntay unman may labut kamu sa siyun pag manga nangyari.

Galasya 2:6

Ti manga pagkilalan-un manga iba kuntay manga pinagkatakinan iglisya udyi waydi may paanyu sa kangku. Unman diman mahalaga sa kangku una si unu sida, dahil unman may pag-apihun ti Diyus.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Ipisu 3:14

Nakan ngani aku magluhud magdarangin sa atubangan Ama.

Ipisu 6:9

Kamu pag manga amu, pagpasunaid kamu sa kanyu manga panawuhun, danga waydi niyu pagpakapadalaa, dahil alam di niyu parihu lang waydi kamu panawuhun usa lang ka Panginuun sa langit, ud may pag-apihun sa kanyu tanan.

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Pilipus 2:12

Nakan ngani manga patar-ari, kailangan pagmasurundun kamu, lalu taynguna aku unman asan sa kanyu. Paggalang yi gid kamu sa Diyus, pagparargu hanggan sa ud mamhan kanyu karibrihan.

Kulusas 3:25

Ti makasalanan bay parusahan Diyus angay sa kanda manga kasalanan, dahil ti Diyus balaw may pag-apihun.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

1 Pidru 3:15

Galangun niyu sa kanyu tagipusuun si Kiristu, imaw ti Panginuun. Pagmay alistu kamu pirmi kanyu isagut nu may humagad paliwanag tungkul sa kanyu pagsarig.