1 Pidru 1:10 - Hanunuu

¹⁰ Inda pag karibrihan hinugudan suyasidun manga purupita kaybi pagka ipinurupita nida inda pag pakaun kaayadan ti itinigana yi sa kanyu.

1 Pidru 1:10 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kabagawan 2:4

parihu ga maghanap kawu pilak ngatay itinagu pag kayamanan.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Hagay 2:7

Tandugun niku ti tanan nasyun hampay daran-un nida kanda manga kasiyunan sa kang Balay. Nakan mapnu inda pag Balay niku manga mahalaga pag bagay.

Sakaryas 6:12

Sabihi siya aku, ti Panginuun Makamaskihan, magkun, ‘Ti pag-ingarnan Sanga pag tawu umabunda sa kay kahamtangan taynguna, ipatindug maan niya kang Balay. Parangalan siya bilang hari ag manpamahala. Ti manughandug tumindug sa arani niya tukawan ag magkaimaw sida marinu pag ugnayan.’

Matiyu 13:17

Ungud duy kang pagsabihun sa kanyu, aduk pag manga purupita hanggan manga matadlung pag manga tawu kaybi magkaibug mana makakit sa kanyu nakitan, dapat unman nakitan nida. Magkaibug sida mana makadnug sa kanyu mag-adnugan, dapat unman nida nadnugan.”

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Lukas 10:24

Dahil kang gid pagsabihun sa kanyu, mayamu pag manga purupita hanggan manga hari ti naggagad sa kanyu mag-akitan mata dapat sida udyi nakakit, kanda mana gustu sida makadnug dapat udyi sida nakadnug.”

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Huwan 7:52

Magkun ti manga iba sa kan Nikudimu, “Kawu lugud taga Galiliya diman aw waydi? Suyasida gid nimu ti Banal Kasuratan, bag-u maalaman nimu unman may purupita lumuwang ginan sa Galiliya.” [

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

Binwat 28:23

Nakan nagtararatuhan sida sa iba sirang. Pagka ati katpung pag sirang, lalu waya mayamu tawu ti naglinuwang tag sa kan Pablu pagdayunan pag balay. Ginan surip hanggan yabi malinaw gid kay itinultul niya sa kanda tungkul sa kay paghari Diyus. Ginamit niya ti Kasuguan ni Muysis hanggan ti Kasuratan manga Purupita hampay maintindihan nida ti katutuuhanan tungkul sa kan Hisus.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.

Hibriyu 11:13

Sida tanan ti manga sinmarig tugka sa kamatayan, unman nakamtan nida ti itinaratu, dapat bilang ga kanda di nabantay ginan sa arayu, sida nakabaya di. Naisipan nida sida pasay manga nanday-u lang, ag balaw may kapunduhan sitay sa babaw daga.

Hibriyu 11:40

Inalistu Diyus ti lalu mayad pag bagay para sa kanta, nakan unman waya kinamhan Diyus kay turunu sa kanda hanggan sa udwaya miusa kita sa kanda.

1 Pidru 1:11

Inusisa gid nida kaybi nu hintay pag tawu ag nu kapira pag mangyari ti pagtukuyun Ispiritu ni Kiristu sa kanda tagipusuun. Dahil ipinauna ipinaalam Ispiritu sa kanda ti malakawan kakurian ni Kiristu hanggan ti kadayawan kay matanggap niya.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.