1 Kurintu 8:3 - Hanunuu

³ Dapat ti manga tawu magmahal sa Diyus, pagkilalan-un sida Diyus kanya.

1 Kurintu 8:3 Iomraidhean Croise

1 Hari 3:3

Ipinakakit ni Sulumun kay pagmahal sa Panginuun sa panab-anan pagtupad sa manga surundanun ibinilin niya ama ni Dabid. Dapat ay maghandug diman siya manga handug hanggan magtuub manga kamangyan sa manga simbahan sa abwat pag manga rugar.

Kanta 1:6

Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.

Kanta 17:3

Inusisa nimu kang tagipusuun una yabi. Sinubukan nimu aku ag unman kawu may nakitan kasalanan sa kangku. Naggayak aku balaw mamagaw daut

Pag-ighit 33:12

Magkun si Muysis sa Panginuun, “Pirmi duy nimu pagsabihun sa kangku pangunahi niku inda pag manga nasakupan sa pag-atag sa itinaratu nimu pag daga, dapat unman waya nimu pag-ipaalam nu si unu kanmu pakuyugun sa kangku. Kanmu waya sinabi sa kangku magkakilala gid nimu aku ag magbaya kawu sa kangku.

Pag-ighit 33:17

Sinmagut ti Panginuun sa kan Muysis, “Buwatun niku ti pag-ipakihampang nimu, dahil magbaya aku sa kanmu ag kilala gid niku kawu.”

Hirimyas 1:5

“Hirimyas, bag-u kawu hinistuda sa tiyan nimu ina, pinili yi niku kawu. Bag-u kawu ilinusad, pinili yi niku kawu hampay mamurupita sa manga nasyun.”

Amus 3:2

Sa tanan nasyun sa buu kalibutan, kamu lang gid kang pinili hampay kang nasakupan. Nakan parusahan gid niku kamu dahil sa tanan niyu manga kasalanan.”

Nahum 1:7

Mayad ti Panginuun; marig-un siya pag darangpan sa udas kakurian, ag pag-alagaan niya ti magdangup sa kanya.

Matiyu 7:23

Bag-u sabihun niku sa kanda magkun, ‘Una ginan sa kabag-u unman nakilala niku kamu. Pagpakarayu kamu ginan sa kangku, kamu manga magbuwat daut.’ ”

Huwan 10:14

Aku ngani ti mayad pag manug-alaga sa karanidu. Kilala di gid niku kang sadili manga karanidu, sida magkilala di gid waydi sa kangku,

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

Ruma 11:2

Unman dinayu Diyus kay nasyun, kabay sa kabag-u di waya turunu niya kay yi pinili. Unman aw lugud niyu magkaalaman ti pagsabihun sa Banal Kasuratan tungkul sa kan Ilyas? Nangungud siya sa kay darangin sa Diyus laban sa manga taga Israil.

1 Kurintu 13:12

Dahil nu kainda di waya baliwa, malamun sa kanta maghiling ga sa usa ka salamin. Dapat aban makitan yi nita sa mata. Kainda udwaya lubus aku makakilala, dapat aban makilala yi ngapu niku, parihu sa kay magkilala Diyus sa kangku.

1 Kurintu 2:9

Dapat ay parihu diman sa isinurat sa Banal Kasuratan magkun, “Ti manga bagay unman nakitan sa mata, unman nadnugan tuli, unman waydi inisip tawu sa kay tagipusuun, imaw ngap ti ihinanda Diyus sa manga magmahal sa kanya.”

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.

1 Huwan 4:7

Manga patar-ari, pagmalahalan duy kita sa usa kag sa usa. Dahil ti pagmahal ginan sa Diyus. Ti tawu nu magmahal, nianak siya Diyus ag nakakilala siya sa Diyus.

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 2:19

Alam niku duy kanmu pagbuwatun, kanmu pagmahal, kanmu pagsarig, kanmu pagsirbi hanggan pagtiis. Alam niku kanmu buwat mayad taynguna balaw lang ga kaybi.

Ipinakakit 2:9

Alam niku ti manga subuk kanmu nalakawan. Alam niku kawu pugri, dapat nu sa ungud mayaman ngap kawu. Alam diman niku kawu pagpuyaan manga tawu magpabalhinguun kuntay sida manga Hudiyu dapat nu sa ungud sida manga sakup ngap ni Satanas.