1 Kurintu 7:5 - Hanunuu

⁵ Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

1 Kurintu 7:5 Iomraidhean Croise

Pag-ighit 19:15

Magkun si Muysis sa kanda, “Ialistu niyu kanyu manga sadili sa ikatlu pag sirang; danga dapu kamu mag-ulid sa kanyu asawa.”

Huwil 2:16

Tipuna niyu ti manga tawu hampay buwatun ti tun-anun sa paglumpiyu sa kanda sadili, anak man ngatay gurangun, una ti manga lapsag hanggan ti manga bag-u mag-asawa.

Matiyu 19:11

Nagsagut si Hisus, “Unman tanan makatanggap tunda pag manga adal, nu unman tunda lang pag manga tawu ti ihinanda Diyus.

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Pag-ighit 21:10

Nu kay inasawa gid ti panawuhun, ag nangasawa waya siya sa iba pag babayi, kailangan iparargu di niya ti pagpakaun sa kanya manga karan-unun ag rutay, hanggan ti pag-ulid sa kanya.

1 Kurintu 7:4

Ti babayi unman makapamahala sa kay sadili bilug nu unman kay asawa lalaki tigpamahala. Katunda diman waydi ti lalaki unman makapamahala sa kay sadili bilug nu unman kay asawa babayi tigpamahala.

Matiyu 17:21

Dapat inda pag kalasi labang unman mipalwas nu unman sa panab-anan darangin ag sa unman maghandum karan-unun.]