1 Kurintu 6:3 - Hanunuu

³ Unman aw niyu alam kanta pihuun aban ti daut ti mayad sa manga anghil? Unman aw lalu yi ngap ti manga bagay para sa buhi nita sitay sa babaw daga.

1 Kurintu 6:3 Iomraidhean Croise

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Danyil 7:22

Bag-u rinmas-ug ti Buhi unman may Katapusan, ti Kaabwat-abwatan pag Diyus, ag nansintinsiya siya baliwa sa kay manga pinili. Ag rinmas-ug ti kaudasan paghari manga banal.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Lukas 8:14

Ti nalagpak sa dugihan tunda imaw ti manga nakadnug, dapat amat-amat pagkisutun sida sa kaaburiduhan naisipan hanggan sa kayamanan hanggan sa daut pag kagustuhan sitay sa babaw daga. Nakan unman magkamhan kay burak.

Ruma 6:16

Alam diman niyu nu kamu napasakup una sa kantapu bilang ga panawuhun, panawuhun yi ngap kamu niyu pinagkaamu, nu ngatay manga panawuhun yi kasalanan siyun ginan ti patabgan kamatayan. Aw ngatay panawuhun yi Diyus bag-u ti patabgan katadlungan ngani.

1 Kurintu 6:15

Udwaya aw niyu alam kanyu manga bilug gamit ni Kiristu? Bul-un aw lugud niku ti manga gamit bilug ni Kiristu bag-u aw kang buwatun manga garamitun manga uragin? Dayu gid ngapu mahimu tunda.

1 Kurintu 6:16

Unman aw lugud niyu alam nu magpaamut ti tawu sa uragin, bilang ga usa yi lang sida ka bilug. Dahil magkun ti Diyus, “Ti duwa kabilug usa lang ka nayi.”

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

1 Kurintu 6:4

Nu kamu may kasaba ngani para sa buhi sitay sa babaw daga, piliun aw lugud niyu ti manga tawu unman maasahan sa iglisya hampay manughusay?

2 Timutiyu 2:4

Ti usa ka sundalu danga magpakialam sa bukun buruwatun sundalu. Lalu ngap kailangan sigasidan niya hampay makabaya kay pinunu.

2 Timutiyu 4:10

Dahil tinayakan yi aku ni Dimas. Ipinalabi di niya ti bagay sa kalibutan. Ati yi siya sa Tisalunika. Si Kirisinti nag-ati sa Galasya. Si Titu waydi ati sa Dalmasya.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.