1 Kurintu 5:1 - Hanunuu

¹ May nakadangat barita sa kangku kuntay masyadu daut pag nangyari. Usa sa kanyu magpanguragin tabug sa kay ina ulung. Una sa manga unman nakatanggap unman may magpanguragin katida.

1 Kurintu 5:1 Iomraidhean Croise

Gimpuunan 35:22

Habang ati di waya sida ni Hakub mag-uli, nag-ulid si Rubin sa kan Bilha sa usa ka asawa niya ama. Igu naalaman tunda ni Hakub, magkaisug gid siya. May 12 ka anak lalaki si Hakub.

Gimpuunan 37:2

Inda ti tultulanun tungkul sa magtal-anakan ni Hakub: Igu 17 ka timpu si Husi, magbantay siya manga hayup kaibahan niya manga patar-ari kay anak ni Bilha ag ni Silpa, manga asawa niya ama. Itinapat ni Husi sa kanda ama ti daut pag buruwatun niya manga patar-ari.

Gimpuunan 49:4

Dapat parihu kawu sa magkulkulu danum, dahil unman kawu makapigil sa kanmu pagkaibgan. Ag dahil nangulid kawu sa kang suruguun pag asawa ag ipinakay-a nimu aku, balaw yi kawu lumamang sa iba.

2 Samwil 16:22

Nakan nagpatindug sida turda sa babaw atup balay hari para sa kan Absalum, ag maghiling ti buu Israil magsulud siya ati hampay mangulid sa manga asawa niya ama.

2 Samwil 20:3

Pagka nakabalik yi si Dabid sa kay balay hari sa Hirusalim, nagsugu siya daraha sa usa ka balay kay sampulu ka asawa kay tinayakan hampay man-asikasu ag manbantay sa balay hari. Ipinakaun niya ti tanan nida pangailangan dapat balaw yi niya sida inulid. Ati sida pag nangulian ga manga balu tugka sa namatay.

1 Krunika 5:1

Si Rubin kay panganay pag anak ni Israil, dapat dahil sa nangulid siya sa usa sa manga asawa niya ama, kay karampatan bilang panganay ipinakaun sa manga anak ni Husi kay diman patar-ari. Nakan balaw siya nisurat sa listahan nida manga linahi bilang panganay pag anak.

Hirimyas 2:33

Madunung gid kamu maglagas sa pagmahalun niyu pag manga diyus-diyusan. Una ti manga babayi baraydan dumunung waya sa kanyu.

Isikil 16:47

Sinunud nimu kanda buruwatun ag kanda mayagting pag manga buwat. Ag sa dag-ud lang pag udas subra waya kanmu binwat kaysa kanda.

Isikil 22:10

May imaw diman asan mag-ulid sa asawa nida ama ngatay magpan-gahus sa babayi magkadugu.

Libitiku 20:11

Nu ti usa ka lalaki mangulid sa asawa niya ama, pinakay-a niya kay ama. Nakan sida duwa hanggan ti babayi kailangan matyun. Sida di waydi kay dahilan nida kamatayan.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Binwat 15:20

Dapat ay suratan nita sida sa danga sida kumaun karan-unun ihinandug sa diyus-diyusan, danga sida magpamabayi magpanlalaki, danga sida kumaun taguban hayup nu in-gut unman nakaluwang kay dugu ag danga waydi sida kumaun dugu.

Binwat 15:29

danga kamu kumaun una hintay pag karan-unun ihinandug sa manga diyus-diyusan, danga kamu kumaun dugu, una taguban hayup in-gut unman nakaluwang kay dugu ag danga kamu magpanlalaki magpamabayi. Inda pag manga bagay kailangan niyu iwasan hampay kamu mas lalu waya rumig-un. Imaw lang tugka kanmi surat.”

1 Kurintu 1:11

Dahil manga katawuhan diman ni Kuluwi ti nagtultul sa kangku, manga patar-ari, magkun, ti iba sa kanyu kunu may magtalaluhan.

1 Kurintu 5:11

Dapat inda kang surat sa kanyu, danga kamu magpakiusa una sa kantapu pag-ingarnan patar-ari, nu siya magpanguragin, maramuun, magsamba sa diyus-diyusan, aw ngatay magmuransa, maglangu, magtakaw. Nu katunda kay ugali, danga yi lang magsaru sa kanya.

1 Kurintu 6:13

Mahimu sumabi ti iba, “Ti manga karan-unun para sa tiyan. Ti tiyan para sa manga karan-unun, dapat parihu duraun di Diyus una ti tiyan, una ti manga karan-unun.” Ti bilug tawu balaw para sa panguragin, nu unman bagkus ngap para sa Panginuun gid. Ag ti Panginuun para sa bilug.

1 Kurintu 6:18

Pag-iwas kamu sa panguragin. Ti tanan kasalanan nu pagbuwatun tawu, iba ti mag-idamhak sa kakurian dapat tigpanguragin midamhak ngap kay sadili bilug.

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

2 Kurintu 12:21

Magkadala aku nu asan tabug maan, barang pakay-ahun aku niku Diyus sa kanyu atubangan. Nu katunda kang gid ikalumi ti kayagtingan, ti panguragin hanggan kahalayan udwaya ipinatawad unman diman waya iinampu.

2 Kurintu 2:5

Nu may nagpakaun karukuan una si hintay pag tawu, balaw aku ti pinakan-an niya karukuan. Mahimu sabihun balaw may labis balaw may kurang, kamu tanan-tanan pinakan-an niya karukuan.

2 Kurintu 7:12

Alam di Diyus kang nagsurat sa kanyu balaw dahil sa may nagkasala, balaw diman dahil sa may binwatan kasalanan, nu unman hampay pulawun kanyu nalub-anan para sa kanmi.

Galasya 5:19

Magkaalaman yi waydi nita ti manga buwat tawu nu angay sa daut kagustuhan niya pagkatawu, ti magpanlalaki, ti magpamabayi, ti mayagting pag naisipan, ti kahalayan,

Ipisu 5:3

Kamu manga nasakup sa Diyus, nakan ngani danga yi magbuwat una magsampit man sa harampangan una kabitay pag kalasi magpanguragin, kayagtingan una manga mahalay pag hilig.

Diyuturunumiyu 22:30

“Kailangan danga mag-ulid ti anak sa asawa niya ama, dahil kauyaan niya ama tunda.

Diyuturunumiyu 27:20

“Saadan ti mag-ulid sa asawa niya ama, dahil pagpakay-ahun niya kay ama.” Bag-u sumagut ti tanan tawu, “Amin!”

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

1 Tisalunika 4:7

Kita kay pinili Diyus hampay balaw mag-ugali sa mahalay nu unman hampay lubus kita sakup sa Diyus.

Ipinakakit 2:21

Pinakan-an niku siya rugar hampay iampu niya kay manga kasalanan, dapat unman may gustu siya magbag-u kay ugali sa magpanguragin.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

1 Samwil 2:24

Apasi yi niyu tunda, manga anak, dahil balaw mayad pag barita kang nasaydan ginan sa nasakupan Panginuun.”