1 Kurintu 4:6 - Hanunuu

⁶ Manga patar-ari, kami ni Apulus ti binwat niku halimbawa agud masalman niyu kay ibug sabihun magkun, “Danga magpasubra sa isinurat sa Banal Kasuratan.” Danga ti usa lang ti pagmayadun bag-u ti usa pagdautun.

1 Kurintu 4:6 Iomraidhean Croise

Kanta 146:3

Danga kamu magsarig sa makapangyarihan pag manga tawu ag sa una sa kantapu, dahil unman sida rumibri sa kanyu.

Kanta 8:4

magpaingana aku nu unu gid ungud ti tawu kanmu gid pag-alalahanun? Tawu lang siya, hayga pag-alalahanun gid nimu?

Isayas 2:22

Danga kamu magpiyar sa tawu. Mamatay diman waydi sida. Hintay waydi ti mabuwat nida?

Binwat 18:24

May rinmas-ug sa Ipisu usa ka Hudiyu taga Alihandirya, kay ngaran si Apulus. Mahusay siya pag magtultulanun, mayamu diman kay magkaalaman sa Banal Kasuratan.

Binwat 19:1

Sa katpung si Apulus sa Kurintu waya, rinmas-ug maan si Pablu sa Ipisu, lakaw sa babaw pag dalan. Pagka siyun sa Ipisu, nikabta siya sa manga magsarig sa kan Hisus.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

1 Kurintu 1:12

Inda kang gustu sabihun, ti kada usa hayga magsabi magkun, “Aku sa kan Pablu,” ti iba magkun, “Aku sa kan Apulus,” magkun maan ti usa, “Aku sa kan Pidru,” bag-u may magsabi waya gid, “Aku sa kan Kiristu.”

1 Kurintu 1:19

Dahil nisurat sa Banal Kasuratan magkun, “Duraun niku ti kadunungan manga madunung; bul-an niku halaga ti kadunungan manga madunung.”

1 Kurintu 1:31

Angay sa isinurat sa Banal Kasuratan magkun, “Nu may magkaibug magdayaw, pagdayaw yi siya sa Panginuun.”

1 Kurintu 13:4

Ti pagmahal may pasunaid sa kay sadili, ag mahusay sa kaparihu. Ti pagmahal balaw maghirak. Ti pagmahal balaw magpadayaw, balaw magpalabi-labi sa kay sadili,

1 Kurintu 3:19

Dahil ti kadunungan kalibutan bukun ngap kadunungan nu sa Diyus. Dahil nisurat sa Banal Kasuratan magkun, “Pagpasalanun Diyus ti manga madunung sa kanda sadili pagdaya.”

1 Kurintu 3:21

Nakan danga magpadayaw-dayaw una hintay nu sa kadunungan lang tawu. Dahil ti tanan manga bagay kanyu yi.

1 Kurintu 5:2

Bag-u kamu manga palabi-labihun di, ag unman kamu magruku nu nagkasala ti usa ka patar-ari, hampay mipalwas mana ginan sa kanyu ti nagbuwat katunda pag kasalanan.

1 Kurintu 5:6

Unman mayad kanyu magpadayaw-dayaw. Unman aw niyu alam una diit lang pag pamadaka, magpahabuk sa pinkul arina.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

1 Kurintu 9:23

Pagbuwatun niku inda tanan-tanan pag manga bagay alang-alang sa Mayad pag Barita, hampay makatanggap waydi aku manga papalad ginan sa Diyus.

2 Kurintu 10:12

Unman pag-ipanghas nimi ipaparihu kanmi sadili sa manga magpalabaw-labaw. Patalang-talang kanda naisipan. Sulu inisip nida nu hintay ti mayad sa kanda sadili bag-u ipaparihu nida kanda sadili sa kanda inisip pag turunu kaayadan.

2 Kurintu 10:15

Balaw kami magpadayaw subra, unman diman kami magpadayaw sa manga iba tawu pag kinabudlayan. Magsarig kami rumig-un waya kanyu pagsarig agud dumaka gid waydi kanmi buruwatun asan sa kanyu dapat balaw kami lumakdang sa kanmi katugkaan.

2 Kurintu 10:7

Kanyu pagbantayan lang ti manga bagay mag-akitan sa mata. Nu may tawu magpaniwala kuntay siya sa kan Kiristu, isipa niya kami hanggan parihu ga kanya, sa kan Kiristu diman.

2 Kurintu 11:4

Dahil ungud gid matiniisun kamu sa kanyu magtanggap sa una hintay pag tawu nu magras-ug asan magpanudlu tuhay pag Hisus sa kanmi itinudlu sa kanyu ag pagtanggapun diman waydi niyu ti tuhay pag ispiritu hanggan tuhay pag adal sa kanmi itinudlu sa kanyu.

2 Kurintu 12:19

Kanyu aw lugud isip kang lang pag-iiwas kang sadili bilug? Bukun duy. Magbagaw aku sa atubangan Diyus angay sa kanta pakiusa sa kan Kiristu. Kamu kang gid pagmahalun. Ti tanan kang pagbuwatun sa ikarig-un di niyu pagsarig.

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

2 Kurintu 12:6

Nu abi aku magpadayaw unman waydi aku masabi manga iba kuntay talang-talang, dahil tutuu kang pagsabihun. Dapat pagpigilan niku kang magpadayaw dahil unman mayad sa kangku nu ti pag-iisip una hintay pag tawu tungkul sa kangku mataas man sa kay nakitan ag nadnugan sa kangku.

2 Kurintu 4:15

Ti tanan inda pag kakurian nimi sa mapakinabangan niyu hampay nu yumamu ti manga tawu magtanggap sa manga pakaun Diyus pag kaayadan, lalu ngap yumamu waydi ti manga magpasalamat magdayaw sa Diyus.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

1 Tisalunika 1:5

Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.