1 Kurintu 4:5 - Hanunuu

⁵ Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

1 Kurintu 4:5 Iomraidhean Croise

Hub 12:22

Ipagpaburayhaw niya ti manga lihim, ag pagbuwatun marayaw ti madulum.

Kabagawan 12:8

Pagdayawun ti madunung pag tawu, dapat pagpuyaan ti tawu liku kay naisipan.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 23:25

“Nadnugan niku ti manga pagsabihun manga purupita magbagaw kapudilan sa ngaran niku. Pagsabihun nida pinakan-an kunu niku sida tultulanun sa panab-anan tagin-up.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Matiyu 10:26

Magkun si Hisus, “Nakan ngani danga magkadala sa kanda. Unman may maitagu nu unman makitan gid aban. Unman may mailihim nu unman miburayhaw aban.

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Matiyu 24:46

Masulung tunda pag panawuhun nu maras-ugan siya magtupad sa kay buruwatun sa kay pagbalik niya amu.

Matiyu 25:21

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Matiyu 25:23

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Lukas 6:37

Sinabi ni Hisus magkun, “Danga pagpihua niyu ti daut ti mayad niyu kaparihu hampay unman waydi kamu pihuun Diyus nu daut nu mayad. Danga kamu magpasipala sa kanyu kaparihu, hampay balaw kamu ipasipala Diyus. Pagmapinatawadun kamu, hampay patawadun waydi kamu Diyus.

Huwan 21:22

Sinmagut si Hisus magkun, “Nu abi kang gustu siya sitay diman pag mabuhi hanggan sa ud rumas-ug aku atay tag, hintay nangus tunda sa kanmu? Kawu duy pagpasakup yi lubus sa kangku.”

Huwan 21:23

Nakan nilantag ngani inda pag barita sa manga patar-ari unman kunu mamatay tunda pag tuludluan. Dapat balaw kay sinabi ni Hisus kuntay unman mamatay tunda pag tuludluan. Kay sinabi lang ni Hisus magkun, “Nu abi kang gustu siya sitay diman pag mabuhi hanggan sa ud rumas-ug aku atay tag, hintay nangus tunda sa kanmu?”

Huwan 5:44

Magbaya kamu nu kamu magdarayawan sa usa kag sa usa, dapat unman kamu magmasigasid hampay makadayaw sa kanyu ti tutuu Diyus. Nu katunda kamu, kabitay lugud kamu pag pumaniwala sa kangku?

Ruma 14:4

Hayga lugud kawu magpihu nu daut nu mayad ti manga suruguun iba tawu? Kay amu lang ti makasabi nu ngatay siya matinupadun aw ngatay unman. Pihu gid siya balaw dayuun dahil kay Panginuun ti may kapangyarihan magtudlu sa kay suruguun hampay magbuwat mayad.

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

Ruma 2:29

Ti tawu nu binag-u yi sa kay tagipusuun hanggan naisipan angay sa Ispiritu balaw lang angay sa nisurat pag Kasuguan, tunda yi ti tutuu Hudiyu. Balaw tawu nu unman Diyus ngap ti dumayaw sa kanya.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Kurintu 11:16

Dapat nu may magkaibug magbirba sa kang sinabi inda, udyi aku may iba paanyu. Kami nakan hanggan tanan iba iglisya Diyus kainda diman kanmi ugali sa pagsamba.

1 Kurintu 11:26

Dahil kada niyu magkaun inda pag tinapay, ag inman niyu ti ungut, pag-ipakilala niyu kay pagkamatay Panginuun hanggan sa udwaya rumas-ug siya.

1 Kurintu 15:23

Dapat ti kada usa angay sa kaayusan. Si Kiristu tig-una sa tanan bag-u ti manga sa kan Kiristu sa kay pagsitay niya aban.

1 Kurintu 3:13

ti buwat kada tawu makitan di aban. Dahil nu kaudasan yi pagras-ug ni Kiristu bag-u maalaman yi tunda. Sapagka sa apuy pihu pag makilala. Ti apuy ti sumubuk kada tawu buwat nu kabitay.

1 Kurintu 3:14

Una sitapu pag tawu nu balaw maunu sa apuy kay binuwat kay ibinungsud sa burungsudan ati, siya makatanggap pirimyu.

1 Kurintu 3:8

Ti magtanum hanggan ti magbunyag urusa sa kanda budlay. Dapat ti kada usa makatanggap kay pirimyu angay sa kay kabudlayan.

2 Kurintu 10:18

Ti mahalaga lang nu ti tawu pagbayaun Diyus. Ti magpadayaw sa kay sadili unman may kabuluhan.

2 Kurintu 10:9

Danga pag-isipa niyu inda kang surat kuntay padala lang sa kanyu.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Santiyagu 4:11

Danga magkaradat-an kamu, manga patar-ari. Nu ti tawu mag-away sa usa ka patar-ari, ag magpihu sa usa ka patar-ari nu daut nu mayad, kay pag-awayun ngap ti Kasuguan, kay pagpihuun ti Kasuguan nu daut nu mayad. Nu alamun nimu nu daut nu mayad ti Kasuguan balaw yi ngap kawu magtupad sa Kasuguan, bagkus ngap pagpalabi-labihan lang nimu ti Kasuguan.

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

2 Pidru 3:12

hanggan sa pag-alagdun waya niyu ti kaudasan Diyus kanyu pagpatigagadun. Sa ati katpung aban pag kaudasan mairub ti manga langit ag madura inda; mangatunaw diman ti tanan bagay sitay sa babaw daga sa masyadu gid pagka init.

2 Pidru 3:4

Sabihun nida magkun, “Nangaku si Kiristu kuntay bumalik maan. Bati naan? Hanggan di nangamatay kanta manga ginurang dapat unman diman may nauman ginan sa naglalang kalibutan.”

Hudas 1:14

Ginan sa kan Adam nagkalinahi ti manga tawu kay ikapitu si Inuk. Kaybi di waya nagpurupita diman si Inuk tungkul sa katida pag manga tawu magkun, “Malu, pagbantay kamu, magras-ug ti Panginuun, kaibahan ti manga linibu-libu pag manga anghil Diyus,

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.