1 Kurintu 4:4 - Hanunuu

⁴ Unman aku may magkaisipan daut sa kang sadili bilug. Dapat unman pagsarigan niku inda hampay aku tanggapun Panginuun. Dahil ti Panginuun di tigpihu sa kangku nu mayad nu daut.

1 Kurintu 4:4 Iomraidhean Croise

Hub 15:14

Mahimu aw lugud tawu ti mabuhi malumpiyu ag matadlung?

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Hub 27:6

Ilaban gid niku kuntay matadlung aku, ag unman gid aku umapas. Habang buhi aku malumpiyu kang tagipusuun.

Hub 40:4

“Balaw aku dapat sumagut sa kanmu. Unu ti isagut niku? Balaw yi lang aku mangingay.

Hub 9:20

Una waya unman aku may kasalanan, parusahan diman aku dahil sa kang manga binagaw sa pagbaliwa niku sa kang sadili.

Kanta 130:3

Panginuun, nu pag-ilista nimu kanmi manga kasalanan, si unu nguna ti masawad sa kanmu atubangan?

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

Kanta 26:12

Kainda, ribri yi aku, matindugan aku sa maratag pag rugar, nakan dayawun niku kawu, Panginuun, sa pagtiripun nimu nasakupan.

Kanta 50:6

Pag-ipaburayhaw kalangitan ti pagkamatadlung Diyus, dahil siya ti magsintinsiya.

Kabagawan 21:2

Mahimu mag-isip kita hustu yi gid ti tanan nita pagbuwatun, dapat ti Panginuun lang ti makapihu nu unu gid kanta pagkaibgan.

Kabagawan 29:26

Mayamu ti maghagad kahilingan sa usa ka takinan, dapat ti Panginuun lang gid ti makapakaun katadlungan.

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

Binwat 23:1

Nagturun si Pablu sa buu Katipunan manga Pinunu bag-u kay sinabi magkun, “Manga kaparihu niku Hudiyu, kaybi ginan hanggan taynguna tugka nag-ugali aku sa malumpiyu kang tagipusuun hanggan naisipan sa atubangan Diyus.”

Ruma 2:13

Dahil balaw ti manga magpatingi lang sa Kasuguan, nu unman ti manga magtupad sa Kasuguan imaw ti pagkilalan-un Diyus kuntay matadlung.

Ruma 4:2

Nu abi siya kinilala Diyus kuntay matadlung dahil sa kay manga binwat, may ipadayaw-dayaw mana siya. Dapat balaw siya may ipadayaw-dayaw sa kay magbantay Diyus.

1 Kurintu 4:3

Dapat nu sa kangku lang, tutuu unman mahalaga una kamu una iba tawu tigpihu sa kangku nu daut nu mayad. Aku unman waydi magpihu sa kang sadili.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.