1 Kurintu 4:10 - Hanunuu

¹⁰ Alang-alang sa kan Kiristu kami bilang ga unman may kadunungan, dapat kamu madunung di ngap maaw tungkul sa kan Kiristu. Kami bilang ga manga malumuy, kamu bay manga mabisug. Kamu pagdayawun manga tawu, kami bay pagpuyaan ngap manga tawu.

1 Kurintu 4:10 Iomraidhean Croise

1 Kurintu 2:3

Kang asan sa kanyu aku mahuyang, magkadala, pagkulbaan waya.

Binwat 26:24

Magbagaw waya si Pablu magsagut waya sa dimanda manga Hudiyu, nagbagaw ngap si Pistu daraka buka magkun, “Paung duy kawu, Pablu. Napaung baga kawu, dahil subra yi kanmu inadalan.”

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

1 Pidru 4:14

Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.

2 Kurintu 13:9

Magbaya diman kami una malumuy kami, nu lang kamu rumig-un. Nakan ngani kanmi pag-idarangin kamu hampay kamu kang-ud yi udyi may kakurangan sa atubangan Panginuun.

1 Kurintu 3:18

Una hintay pag tawu danga magdaya sa kay sadili. Una sitapu sa kanyu tig-isip siya may kadunungan sitay sa kalibutan, pagkilala siya bukun ngap tutuu pag kadunungan tunda, hampay siya ngap dumunung.

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

2 Kurintu 11:29

Nu may linmumuy sa kay pagsunud, aku magpakidamay sa kay kalumuyan. Nu may nalagpak sa kasalanan, subra yi kang karukuan sa kang tagipusuun.

2 Kurintu 11:19

Pagbayaun pag-agwantahun niyu ti manga patalang-talang dahil kamu kabay mapininsarun!

2 Kurintu 10:10

Magkun ti iba, “Kay surat lang ti mahigpit. Nu sa atubangan padi ay madala pag tawu, una sa kay pinamagawan balaw may mayad.”

1 Kurintu 10:12

Nakan nu pag-isipun tawu marig-un kay tindug, pag-aman barang siya magpu.

1 Kurintu 4:8

Kamu maaw manga busug yi, kamu manga mayaman yi. Madi kami balaw hari kamu ga manga hari yi. Gustu mana niku kamu maghari ngani hampay kita minsan yi sa maghari.

1 Kurintu 3:2

Tinugun niku kamu gatas, balaw kamu pinakan-an niku maganit karan-unun dahil kamu udwaya karaug. Una kainda tugka kamu udwaya may kaya.

1 Kurintu 2:14

Ti tawu nu udwaya inulian Ispiritu Banal unman tumanggap manga katutuuhanan ginan sa Ispiritu Diyus, dahil unman ngap may kabuluhan tunda sa kanya. Unman diman magkauninawan niya dahil tunda pag manga katutuuhanan magkaintindihan lang ginan sa Ispiritu.

Binwat 17:32

Pagka nadnugan nida kan Pablu tudlu tungkul sa pagkabuhi maan manga namatay, nag-ayupaka ti iba. Dapat sinabi manga iba magkun, “Magkaibug waya kami mamatingi aban sa kanmu tudlu tungkul sa kanmu sinabi taynguna.”

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Lukas 18:9

Itinultul diman ni Hisus inda pag halimbawa sa manga magsarig sa kanda sadili kuntay sida matadlung dapat kanda pagpiin-piinun ti manga iba.

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Lukas 6:22

Papaladan Diyus kamu nu pagkagalitan manga tawu, nu pagdayuun ag pagmuransahun, nu pag-ikadaut kamu dahil sa kanyu pakiusa sa Anak Tawu.

Matiyu 24:9

“Sa ati pag manga sirang aban, dakpun kamu hampay pakurian ag matyun. Kagalitan kamu tanan tawu dahil sa kanyu pakiusa sa kangku.

Matiyu 5:11

“Papaladan kamu Diyus nu pagmuransahun una hanggan pag-unuunuhun, una pagbagawan kamu una lang hintay pag daut pasay kapudilan dahil sa kanyu magpasakup sa kangku.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Kabagawan 11:12

Ti tawu unman may pan-intindi magpuya sa kay kaparihu, dapat ti tawu may pan-intindi balaw magpuya.

2 Hari 9:11

Pagka nagbalik si Hihu sa kay kaibahan manga takinan, ti usa sa kanda nagpaingana sa kanya, “Hintay ti nangyari? Hayga nag-atag sa kanmu tunda pag tawu paung?” Sinmagut si Hihu, “Alam diman waydi niyu nu si unu siya ag nu unu kay pagbagawun.”

1 Kurintu 1:21

Dahil sa kadunungan Diyus, balaw niya ipinahintulut makilala siya tawu sa panab-anan kadunungan kalibutan. Bagkus ngap, pagmayadun niya maribri ti manga sumarig sa kanya sa panab-anan Mayad pag Barita. Inda Mayad pag Barita kanmi pag-itultul, dapat angay sa kadunungan kalibutan inda unman may kabuluhan.

1 Kurintu 1:23

Dapat ay kanmi pag-itudlu si Kiristu ti nipaku sa kurus, nu sa manga Hudiyu imaw ngap kanda pag-ikadaut, nu sa manga balaw Hudiyu unman may kabuluhan siya.

1 Kurintu 1:25

Dahil ti pag-isipun nida kalukuhan Diyus mas higit waya ngap sa kadunungan tawu, ag kanda pag-isipun kalumuyan Diyus mas mabisug waya sa kabisugan tawu.

2 Kurintu 6:8

Nalakawan yi waydi nimi ti magbaya manga tawu sa kanmi ag ti magkadaut sa kanmi, ti daut pag libak ag ti mayad pag libak. Kami kanda pagsabihun magdaya dapat ngap katutuuhanan kanmi pagbuwatun.

2 Kurintu 4:12

Nakan ngani mag-akitan sa kanmi ti kapangyarihan kamatayan, dapat sa kanyu mag-akitan ngap ti buhi unman may katapusan.