1 Kurintu 3:8 - Hanunuu

⁸ Ti magtanum hanggan ti magbunyag urusa sa kanda budlay. Dapat ti kada usa makatanggap kay pirimyu angay sa kay kabudlayan.

1 Kurintu 3:8 Iomraidhean Croise

Kanta 62:12

Pihu gumanti ti Panginuun sa manga tawu angay sa kanda manga binwat.

Kabagawan 27:18

Nu alagaan nimu ti puun igus, makakaun kawu kay burak. Katunda diman nu alagaan nimu kanmu amu, parangalan kawu niya.

Danyil 12:3

Tunda pag manga nakaintindi sa katutuuhanan ag magtudlu sa manga tawu mangabuhi sa matadlung dum-ag parihu sa manga pamgasan sa langit unman may katapusan.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Lukas 19:19

Sinabi hari sa kay panawuhun, ‘Pagpamahala kawu sa lima ka banwa.’

Ruma 2:6

Dahil ti Diyus gumanti sa tanan tawu angay sa kanda balus.

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

1 Kurintu 3:14

Una sitapu pag tawu nu balaw maunu sa apuy kay binuwat kay ibinungsud sa burungsudan ati, siya makatanggap pirimyu.

1 Kurintu 3:7

Balaw mahalaga ti magtanum hanggan ti magbunyag. Diyus lang ti mahalaga imaw ti magpalangba.

1 Kurintu 3:9

Dahil kami hanggan ti Diyus minsan sa buruwatun. Ag kamu ti ga tanman Diyus. Kamu ti pagbalayun Diyus.

1 Kurintu 4:15

Dahil una waya kamu may sampulu ka libu ka manugtudlu tungkul sa kan Kiristu, aku lang waydi kanyu ama. Dahil iinanak niku kamu sa kan Kiristu Hisus pagka tinudluan niku kamu Mayad pag Barita.

1 Kurintu 9:7

Hintay pag sundalu tigsirbi sa katungkulan sadili niya gastus. Si unu lugud pag tawu ti magtanum ubas bag-u ud magpakinabang sa kay burak? Hintay pag manug-alaga sa karanidu ti unman magpakinabang sa kay gatas?

Galasya 6:4

Pag-usisa ti kada usa sa kay sadili buwat. Nu mayad kay buwat, pagbaya siya danga yi ipaparihu sa buwat manga iba.

Galasya 6:5

Dahil kailangan gid masigdara ti kada usa kay dararan-un.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

2 Huwan 1:8

Pag-aman kamu hampay unman madura ti kanyu binudlayan, ag hampay lubus gid matanggap niyu kanyu pirimyu.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

Ipinakakit 22:12

Sinabi ni Hisus magkun, “Pagpatingi kamu, magkaras-ug yi aku, may dara kang manga pirimyu kang ipakaun sa kada tawu angay sa kay binwat.