1 Kurintu 3:7 - Hanunuu

⁷ Balaw mahalaga ti magtanum hanggan ti magbunyag. Diyus lang ti mahalaga imaw ti magpalangba.

1 Kurintu 3:7 Iomraidhean Croise

Kanta 115:1

Panginuun, balaw kami ti kailangan dayawun, nu unman kawu, dahil sa kanmu pagmahal ag katapatan.

Kanta 90:17

Panginuun nimi Diyus, mana papaladan nimu kami ag pakan-an kapanaluhan sa tanan nimi manga pagbuwatun.

Isayas 40:17

Ti tanan manga nasyun unman may halaga nu ipaparihu sa kanya. Para sa kanya unman may halaga ti manga nasyun.

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Huwan 15:5

“Aku ti puun ubas, kamu ti manga sanga. Ti tawu nu napaminsan di sa kangku ag aku napaminsan di sa kanya, pihu may pakinabang ti mayamu buwat niya. Dahil nu napablag kamu sa kangku unman kamu may mabuwat.

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Kurintu 3:6

Aku ti nagtanum, si Apulus ti nagbunyag, Diyus ti nagpalangba.

1 Kurintu 3:8

Ti magtanum hanggan ti magbunyag urusa sa kanda budlay. Dapat ti kada usa makatanggap kay pirimyu angay sa kay kabudlayan.

2 Kurintu 12:11

Aku inda ga patalang-talang yi, dapat kamu ti nagpilit sa kangku hampay katunda. Kamu mana ti dapat dumayaw sa kangku. Bilang madi ga ud may gana aku pag tawu dapat unman kailangan ipalabi niyu aku sa kanyu pagkumnun mayad pag manga apustul asan.

2 Kurintu 12:9

Dapat kainda kay sagut niya sa kangku magkun, “Kang-ud yi kawu nu kang pabisugun. Lalu kang mailubus kang kapangyarihan nu kawu malumuy.” Nakan ngani lubus kang pagbayaun ag pagdayawun kang kalumuyan hampay udyi gid mab-ul sa kangku kay kamaskihan ni Kiristu.

Galasya 6:3

Nu may magpainu-inu sa kay sadili kuntay siya mahalaga dapat unman diman waydi, dinaya ngap niya kay sadili.