1 Kurintu 3:3 - Hanunuu

³ Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

1 Kurintu 3:3 Iomraidhean Croise

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 1:11

Dahil manga katawuhan diman ni Kuluwi ti nagtultul sa kangku, manga patar-ari, magkun, ti iba sa kanyu kunu may magtalaluhan.

1 Kurintu 11:18

Dahil un-an sa tanan naalaman niku nu kamu ti manga napasakup sa kan Hisus magtiripun, unman maaw magparaangayan kamu. Ag bilang ga magpasnu yi ngap aku.

1 Kurintu 3:4

Dahil magkun ti usa, “Aku sa kan Pablu,” magsabi maan ti usa, “Aku sa kan Apulus.” Nu katida unman aw kamu nag-ugali angay lang sa kanyu sadili kagustuhan?

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Santiyagu 3:16

Dahil una naan katpung ti may parahirak ag maramuun, siyun diman ti kaguluhan hanggan ti tanan kadautan buwat.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.